రివ్యూ : వాలా 2

నటీనటులు: హాషిర్ హెచ్, అలన్ బిన్ సిరాజ్, అజిన్ జాయ్, వినాయక్ వి, ఆల్ఫోన్స్ పుత్రన్,మీనాక్షి ఉన్నికృష్ణన్, అశ్విని.

దర్శకత్వం: సావిన్ ఎస్.ఏ

నిర్మాణం: విపిన్ దాస్ మరియు షైన్ స్క్రీన్స్

సంగీతం: కాల భైరవ

ఛాయాగ్రహణం: అఖిల్ కిరణ్.

ఎడిటింగ్: కృష్ణన్ ఉన్ని

మలయాళంలో సంచలన విజయం సాధించిన ‘వాలా’ చిత్రానికి సీక్వెల్‌గా వచ్చిన ‘వాలా 2 గత నెలలో థియేటర్లోకి వచ్చి దాదాపు 200కోట్ల గ్రాస్ వసూళ్లతో సంచలన విజయం సాధించింది: ఇక ఈసినిమాను తెలుగులో డబ్ చేసి ఈ రోజు థియేటర్లలోకి తీసుకొచ్చారు. మరి ఈసినిమా ఎలా ఉందో రివ్యూలో తెలుసుకుందాం.

కథ:

హాషిర్, అలన్, అజిన్, వినాయక్ అనే నలుగురు మధ్యతరగతి యువకుల చుట్టూ ఈ కథ తిరుగుతుంది. చదువు కంటే గొడవల్లోనే ముందుండే ఈ నలుగురు, కాలేజీ నుంచి బయటకు పంపించే పరిస్థితుల్లో పడతారు. అప్పుడు ఒక పోలీస్ ఆఫీసర్ (ఆల్ఫోన్స్ పుత్రన్) వీరిని కాపాడతాడు. ఆ తర్వాత తమ లక్ష్యమైన ఉన్నత చదువుల కోసం యూకే వెళ్లాలనుకున్న వీరు, తమ కలలను ఎలా నిజం చేసుకున్నారు? కాలేజీ తర్వాత వీరి జీవితాలు ఎలా మారాయి? అనేదే ఈ చిత్ర కథాంశం.

విశ్లేషణ :

సినిమా ప్రారంభం నుండే ప్రేక్షకుడిని కథలోకి తీసుకెళ్తుంది. ముఖ్యంగా హాషిర్ మరియు అతని గ్యాంగ్ చేసే అల్లరి, కాలేజీలో వారు ఎదుర్కొనే ఇబ్బందులు పక్కా యూత్ ఫుల్ గా ఉంటాయి. కాలేజీ డేస్ లో ఉండే సరదాలు, ప్రేమలు మరియు గొడవలను చాలా సహజంగా చూపించారు. ప్రథమార్థం అంతా హై-ఎనర్జీ కామెడీతో వేగంగా సాగిపోతుంది. ఎక్కడా కథ నెమ్మదించినట్లు అనిపించదు.

సెకండాఫ్ కథలో లోతు పెరుగుతుంది. కేవలం హాస్యానికే పరిమితం కాకుండా, విదేశాలకు వెళ్లాలనుకునే యువత ఎదుర్కొనే సవాళ్లు, మధ్యతరగతి తల్లిదండ్రుల ఆశలు వంటి వాస్తవిక అంశాలను దర్శకుడు స్పృశించారు. తోబుట్టువుల మధ్య ఉండే ఎమోషనల్ బాండింగ్ ద్వితీయార్థంలో హైలైట్‌గా నిలుస్తుంది. మొదటి భాగం నవ్వించినా, రెండో భాగం ప్రేక్షకుడిని ఆలోచింపజేస్తూ, హృదయానికి హత్తుకునేలా సాగుతుంది. ముఖ్యంగా క్లైమాక్స్ సన్నివేశాలు చాలా ఎమోషనల్‌గా ఉండి సినిమా స్థాయిని పెంచుతాయి.

నటీనటుల పనితీరు :

హాషిర్, అలన్, అజిన్, వినాయక్: వీరు నలుగురు సోషల్ మీడియా స్టార్లే అయినప్పటికీ, వెండితెరపై ఎంతో అనుభవం ఉన్న నటుల్లా కనిపించారు. తమ సహజమైన నటనతో పాత్రలకు ప్రాణం పోశారు.

పోలీస్ ఆఫీసర్ పాత్రలో ఆయన నటన హుందాగా ఉంది. యువతకు సందేశం ఇచ్చే క్రమంలో ఆయన నటన ఆకట్టుకుంటుంది.మిగిలిన నటీనటులు తమ పరిధి మేరకు చక్కగా నటించి మెప్పించారు.

సాంకేతిక వర్గం:

సావిన్ ఎస్.ఏ ఈ చిత్రాన్ని చాలా నేటివిటీకి దగ్గరగా తీశారు. యూత్ ఎలిమెంట్స్‌ను, ఎమోషన్స్‌ను బ్యాలెన్స్ చేయడంలో సఫలమయ్యారు. కాల భైరవ మార్కు సంగీతం సినిమాకు పెద్ద ప్లస్. పాటలు కథలో భాగంగా వచ్చి ఆకట్టుకుంటాయి. సినిమా బడ్జెట్ తక్కువే అయినా, విజువల్స్ ఎక్కడా తగ్గకుండా రిచ్‌గా ఉన్నాయి. తెలుగు అనువాదం కూడా చాలా సహజంగా ఉంది.

ఓవరాల్ గా ‘వాలా 2’ కేవలం కుర్రాళ్ల సినిమా మాత్రమే కాదు, ప్రతి కుటుంబం చూడాల్సిన చిత్రం. స్నేహం, అల్లరితో పాటు బాధ్యతను కూడా గుర్తు చేసే ఈ సినిమా ఈ వారాంతంలో ఒక మంచి ఛాయిస్.

ఆన్‌లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇

తెలుగు          తమిళ్          కన్నడ          మలయాళం          డబ్ద్ ఫిలిమ్స్

x