‘డాక్టర్‌’ ఫేమ్‌ నెల్సన్‌ కుమార్‌ దర్శకత్వంలో తమిళ్ స్టార్ హీరో విజయ్ హీరోగా ఒక సినిమా వస్తున్న సంగతి తెలిసిందే కదా. ఇక విజయ్65 సినిమా నుండి అప్ డేట్ ఎప్పుడొస్తుందా అని ఎదురుచూస్తున్న ఫ్యాన్స్ కు రేపు జూన్ 22 విజయ్ పుట్టినరోజు కావడంతో కొత్త సినిమాపై ఓ ప్రకటన రాబోతుందంటూ ఇప్పటికే నిర్మాణ సంస్థ సన్ పిక్చర్స్ తమ అధికార ట్విట్టర్ ద్వారా ప్రకటించిన సంగతి తెలిసిందే కదా. ఈనేపథ్యంలోనే నేడు ఈసినిమా టైటిల్ ను ఫస్ట్ లుక్ ను రిలీజ్ చేశారు. ఇక ముందు నుంచి ఈ సినిమాకి బులెట్, ట్రిగ్గర్ అనే కొన్ని పేర్లు వినిపించినా ఎవరూ ఊహించని విధంగా ఈ సినిమాకు బీస్ట్ అనే పేరు అనౌన్స్ చేశారు. ఇక ఫస్ట్ లుక్ లో విజయ్ వైట్ బనియన్ తో, బ్లాక్ పాంట్ తో గన్ తీసుకుని సీరియస్ లుక్ లో ఉన్నట్టు చూపించగా ఈలుక్ అందరినీ ఆకట్టుకుంటుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
#Thalapathy65 is #BEAST@actorvijay @Nelsondilpkumar @anirudhofficial @hegdepooja#BEASTFirstLook #Thalapathy65FirstLook pic.twitter.com/Wv7wDq06rh
— Sun Pictures (@sunpictures) June 21, 2021
కాగా ఈసినిమాలో పూజాహెగ్డే హీరోయిన్ గా నటిస్తున్న సంగతి తెలిసిందే. ఈ మూవీతో తొమ్మిదేళ్ల త‌రువాత త‌మిళ ఇండ‌స్ట్రీలోకి రీ ఎంట్రీ ఇవ్వ‌బోతుంది పూజా హెగ్డే. ప్ర‌తిష్టాత్మ‌కంగా తెర‌కెక్కుతున్న ఈ మూవీని ప్ర‌ముఖ నిర్మాణ సంస్థ సన్ పిక్చర్స్ నిర్మిస్తుండ‌గా.. అనిరుధ్ సంగీతాన్ని అందిస్తున్నారు.
ఇక తెలుగులోనూ విజయ్ ఎంట్రీ ఇవ్వబోతోన్న సంగతి తెలిసిందే. వంశీ పైడిపల్లి డైరెక్షన్‌లో రానున్న ఈ సినిమాను దిల్ రాజు నిర్మించనున్నారు. ఈ సినిమాతో విజయ్ టాలీవుడ్‌లోకి నేరుగా ఎంట్రీ ఇవ్వబోతున్నారు. ఇప్పటికే కథను సిద్ధం చేసిన వంశీ.. త్వరలోనే షూటింగ్‌ మొదలు పెట్టనున్నట్లు తెలుస్తోంది.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
