అమెజాన్ లో మాధవన్ – శ్రద్ధ శ్రీనాథ్ ల ‘మార’

‘జెర్సీ’ సినిమా ద్వారా తెలుగు తెరకు పరిచయం అయింది శ్రద్ధ. ఆ సినిమాలో శ్రద్ధా.. తన నటనతో అదరగొట్టింది. ఇటీవలే తెలుగులో నటించిన ‘కృష్ణ అండ్ హిజ్‌ లీల’ మూవీ ఓటీటీలో రిలీజ్‌అయింది. ఈ సినిమాకు కూడా మంచి రెస్పాన్స్ వస్తుంది. ఇక తెలుగులోనే కాకుండా అటు కన్నడ, తమిళ సినిమాలు చేస్తోంది.

ఇక రీసెంట్ గా మాధవన్ తో కలిసి ‘మార’ సినిమాలో నటించింది ఈ భామ. దుల్కర్‌ సల్మాన్‌ హీరోగా నటించిన మలయాళ చిత్రం ‘చార్లీ’కు ఇది తమిళ రీమేక్‌. మారా అనే చిత్రకారుడి కోసం కథానాయిక జరిపే అన్వేషణే ఈ సినిమా. ఆమెజాన్ ప్రైమ్ లో రిలీజ్ అయిన ఈ సినిమాకు మంచి రెస్పాన్స్ వస్తుంది.

ఇక ఇప్పుడుదీనితోపాటు మరో సినిమాతో ప్రేక్షకుల ముందుకు రావడానికి సిద్దమవుతుంది. హర్రర్ థ్రిల్లర్ జోనర్ లో తెరకెక్కుతున్న “కలియుగం” అనే కథతో రాబోతుంది. ఎన్నోషార్ట్ ఫిలిమ్స్, యాడ్స్ కి డైరెక్టర్ గా పనిచేసిన ప్రమోద్ సుందర్ తొలిసారిగా మెగా ఫోన్ పట్టి ఈ సినిమాను డైరెక్ట్ చేయనున్నారు.కాగా ఈ సినిమాను “ఆర్ కె ఇంటర్నేషనల్” బ్యానర్ లో కె ఎస్ రామకృష్ణ నిర్మించనున్నారు. ఇండియన్ ఫేమస్ సినిమాటోగ్రాఫర్ పి సి శ్రీరామ్ దగ్గర చాలా సంవత్సరాలు అసిస్టెంట్ గా పనిచేసిన రామ్ చరణ్ ఈ సినిమాకు సినిమాటోగ్రాఫర్ గా చేస్తున్నారు. మిగతా నటీనటుల విషయాలు త్వరలోనే తెలియచేయనున్నారు.

Subscribe to our Youtube Channel Telugu Filmnagar for the latest Tollywood updates.

Download the My Mango App for more amazing videos from the Tollywood industry.