ల‌క్కీ డేట్ కే వ‌స్తున్న మ‌హేష్‌ బాబు!

సూప‌ర్ స్టార్ మ‌హేష్‌ బాబుకి సంక్రాంతి పండ‌గ‌తో మంచి అనుబంధ‌మే ఉంది. `ఒక్క‌డు`, `బిజినెస్ మేన్`, `సీత‌మ్మ వాకిట్లో సిరిమ‌ల్లె చెట్టు` వంటి బ్లాక్ బ‌స్ట‌ర్స్ హిట్స్ ని ఈ సీజ‌న్ లోనే అందుకున్నాడు మ‌హేష్‌. క‌ట్ చేస్తే… సుదీర్ఘ విరామం త‌రువాత మ‌రోసారి ముగ్గుల పండ‌క్కి త‌న సినిమాతో ప‌ల‌క‌రించ‌బోతున్నాడీ హ్యాండ్స‌మ్ హీరో.

`స‌రిలేరు నీకెవ్వ‌రు` పేరుతో రూపొందిన ఈ ప‌ర్‌ఫెక్ట్ ఫెస్టివ‌ల్ పిక్చ‌ర్… 2020 సంక్రాంతి బ‌రిలో సంద‌డి చేయ‌నుంది. జ‌న‌వ‌రి 12న విడుద‌ల చేయ‌బోతున్న‌ట్లు ఆ మ‌ధ్య ప్ర‌క‌టించినా… తాజాగా అనుకున్న తేది కంటే ఒక రోజు ముందే (జ‌న‌వ‌రి 11) ఈ క్రేజీ ప్రాజెక్ట్ థియేట‌ర్ల‌లో సంద‌డి చేయ‌నుంది.

ఆస‌క్తిక‌ర‌మైన విష‌య‌మేమిటంటే…జ‌న‌వ‌రి 11 మ‌హేష్ కి ల‌క్కీ డేట్. ఏడేళ్ళ క్రితం ఇదే తేదిన `సీత‌మ్మ వాకిట్లో సిరిమ‌ల్లె చెట్టు` విడుద‌లై సెన్సేష‌న‌ల్ హిట్ అయింది. మ‌రి… ఆ చిత్ర నిర్మాత `దిల్‌` రాజు కాంబినేష‌న్ లోనే అదే తేదికి మ‌రోసారి రాబోతున్న మ‌హేష్‌… `స‌రిలేరు నీకెవ్వ‌రు`తోనూ బ్లాక్‌బ‌స్ట‌ర్ అందుకుంటాడేమో చూడాలి.