షూటింగ్ పూర్తి చేసుకున్న ‘చిత్రలహరి’

వరుస పరాజయాల తరువాత చిత్రలహరి అనే సినిమాతో మరోసారి తన అదృష్టాన్ని పరీక్షించుకోవడానికి వస్తున్నాడు మెగా సుప్రీమ్ హీరో సాయి థరమ్ తేజ్. ఇక ఇటీవల విడుదల చేసిన టీజర్ కు మంచి రెస్పాన్స్ రావడంతో సినిమాపై భారీ అంచనాలే పెరిగాయి.. మంచి ప్రమోషన్ స్టార్ట్ అంటూ.. యూనిక్ కాన్పెస్ట్ అంటూ టీజర్ మంచి టాకే సంపాదించుకుంది. ఇక తాాజాగా ఈ సినిమా షూటింగ్ ను కూడా పూర్తి చేసుకుంది.

ఇదే విషయాన్ని సాయిధరమ్ తేజ్ తన ట్విట్టర్ ద్వారా తెలియజేశాడు. మైత్రీ మూవీ మేకర్స్ బ్యానర్ పై ఈ సినిమా చేయడం ఓ మరిచిపోలేని అనుభవమని అన్నాడు. దర్శకుడు కిషోర్ తిరుమల టీమ్ కి .. సంగీత దర్శకుడు దేవిశ్రీ ప్రసాద్ టీమ్ కి.. సినిమాటోగ్రఫర్ కార్తీక్ టీమ్ కి ఆయన ధన్యవాదాలు తెలియజేశాడు. షూటింగ్ అయిపోయిన సందర్భంగా ఈ సినిమా టీమ్ తో కలిసి దిగిన ఫొటోను ట్విట్టర్లో షేర్ చేశాడు.

And it’s wrap for #Chitralahari …. thank you #kishoreTirumala and team #karthik (Dop) and team @ThisIsDSP n team @kalyanipriyan @Mee_Sunil @vennelakishore #nivethapethuraj and lastly @MythriOfficial for the wonderful experience… I’m blessed to be a part of this project 🙏🏼🙏🏼🙏🏼 pic.twitter.com/27DhMb6E6N

— Sai Dharam Tej (@IamSaiDharamTej) March 15, 2019

కాగా కిషోర్ తిరుమల దర్శకత్వంలో తెరకెక్కుతున్న ఈ సినిమాలో కళ్యాణి ప్రియదర్శన్, నివేత పేతురాజ్ కథానాయికలు కాగా ముఖ్య పాత్రలలో సునీల్, వెన్నెల కిశోర్, పోసాని కృష్ణ మురళి నటిస్తున్నారు. మైత్రీ మూవీస్ బ్యానర్ పై న‌వీన్ ఎర్నేని, య‌ల‌మంచిలి ర‌విశంక‌ర్‌, చెరుకూరి మోహ‌న్ నిర్మిస్తున్న ఈ సినిమాకు దేవిశ్రీ ప్రసాద్ సంగీతం అందిస్తున్నాడు. ఈ సినిమా ఏప్రిల్ 12 వ తేదీన ప్రపంచ వ్యాప్తంగా ప్రేక్షకుల ముందుకు రానుంది. మరి చిత్రలహరి మూవీ మంచి విజయం సాధించి సాయి ధరమ్ తేజ్ మళ్లీ ఫామ్ లోకి వస్తారేమో చూద్దాం..!