హార‌ర్ కామెడీ సినిమాలో జాన్వీ క‌పూర్‌

`అతిలోక సుంద‌రి శ్రీ‌దేవి త‌న‌య` అనే ట్యాగ్‌తో బాలీవుడ్‌లో హీరోయిన్ గా ఎంట్రీ ఇచ్చింది జాన్వీ క‌పూర్‌. తొలి చిత్రం `ధ‌డ‌క్‌`తో న‌టిగా మెప్పించిన జాన్వి… ప్రస్తుతం `కార్గిల్ గాళ్‌`, `త‌ఖ్త్‌` చిత్రాల‌తో బిజీగా ఉంది. బాలీవుడ్ స‌మాచారం ప్రకారం… ఈ టాలెంటెడ్ బ్యూటీ మ‌రో ఆస‌క్తిక‌ర‌మైన చిత్రానికి సంత‌కం చేసింద‌ని తెలిసింది.

ఆ వివ‌రాల్లోకి వెళితే… గ‌త ఏడాది సంచ‌ల‌న విజ‌యం సాధించిన హార‌ర్ కామెడీ మూవీ `స్త్రీ` లో హీరోగా న‌టించిన రాజ్ కుమార్ రావ్ `రూహ్ అఫ్‌జా` అనే మ‌రో హార‌ర్ కామెడీ ఫిల్మ్‌లో న‌టిస్తున్నాడు. కొత్త పెళ్ళికొడుకుల‌ను త‌న పాట‌ల‌తో నిద్ర‌పుచ్చి… పెళ్ళి కూతుళ్ళ‌ను ఆవ‌హించే ఓ దెయ్యం క‌థ‌గా `రూహ్ అఫ్‌జా` తెర‌కెక్కుతోంది. కాగా… ఇందులో క‌థానాయికగా న‌టించేందుకు జాన్వి గ్రీన్ సిగ్న‌ల్ ఇచ్చింద‌ని బాలీవుడ్ టాక్‌. మ‌రి.. తొలి హార‌ర్ కామెడీ ఫిల్మ్‌లో జాన్వి ఏ స్థాయిలో అల‌రిస్తుందో చూడాలి.