మజిలీ టీజర్ రిలీజ్ డేట్ ఫిక్స్

శివ నిర్వాణ దర్శకత్వంలో పెళ్లి తర్వాత నాగచైతన్య, సమంత కలిసి జంటగా నటిస్తున్న సినిమా మజిలీ. ఈ సినిమాలో నాగచైతన్య, సమంత భార్యాభర్తల్లాగ కనిపించనున్నారని.. వారిద్దరి మధ్య గొడవలెక్కువుంటాయని ఇప్పటికే నాగ చైతన్య చెప్పిన సంగతి తెలిసిందే. అంతేకాదు ఈ చిత్రంలో చైతు రెండు డిఫరెంట్ లుక్స్‌లో కనిపించనున్నట్టు సమాచారం. క్రికెటర్ గా కూడా కనిపించనున్నాడు. ప్రస్తుతం షూటింగ్ జరుపుకుంటున్న ఈసినిమాను ఏప్రిల్ 5వ తేదీన రిలీజ్ చేయనున్నారు.

కాగా ఇప్పటికే ఈ సినిమా ఫస్ట్ లుక్, సెకండ్ లుక్ రిలీజ్ చేయగా.. తాజాగా టీజర్ రిలీజ్ డేట్ ను కూడా ఫిక్స్ చేశారు. ప్రేమికుల దినోత్సవం రోజు ఫిబ్రవరి 14న టీజర్ ను రిలీజ్ చేయనున్నట్టు ఓ పోస్టర్ ద్వారా తెలిపారు. ఆఫ్టర్ మ్యారేజ్, చైతు, సమంత కలిసి నటిస్తున్న సినిమా కావడంతో మజిలీపై మంచి అంచనాలున్నాయి. మరి చూద్దాం ఆ అంచనాలను మజిలీ రీచ్ అవుతుందో లేదో?

శివ నిర్వాణ దర్శత్వం వహిస్తున్న ఈ సినిమాను షైన్ స్క్రీన్ ప‌తాకంపై హ‌రీష్ పెద్ది, సాహు గ‌ర‌పాటి సంయుక్తంగా నిర్మిస్తున్నారు. హిందీ నటి దివ్యంశ కౌశిక్ మరోక కీలక పాత్రలో నటిస్తున్నట్టు తెలుస్తోంది. రావు రమేశ్‌, పోసాని కృష్ణమురళి, సుబ్బరాజులు తదితరులు ఈ సినిమాలో ప్రధాన పాత్రలు పోషిస్తున్నారు. ఈ సినిమాకు గోపిసుందర్ సంగీతం అందిస్తున్నారు.