మ‌రో ఫీమేల్ సెంట్రిక్ మూవీలో సామ్‌?

టాలీవుడ్‌లో సక్సెస్‌ఫుల్ హీరోయిన్ అనిపించుకున్న‌ సమంత… గత రెండేళ్లుగా నాయికా ప్రాధాన్యత ఉన్న పాత్రలు చేయడానికి ఆస‌క్తి క‌న‌బ‌రుస్తోంది. ఈ నేపథ్యంలో గ‌తంలో ఫీమేల్ సెంట్రిక్ మూవీస్‌గా విడుద‌లైన ‘యూటర్న్’, ‘రాజుగారి గది 2’ చిత్రాలలో న‌ట‌న‌కు స్కోప్ ఉన్న పాత్ర‌ల్లో న‌టించి మంచి పేరు తెచ్చుకున్న ఈ టాలెంటెడ్ బ్యూటీ… రేపు (జూలై 5న) విడుదల కానున్న ‘ఓ బేబీ’లో మ‌రోసారి అటువంటి పాత్ర‌లోనే ద‌ర్శ‌న‌మివ్వ‌నుంది. ఇదిలా ఉంటే… ఇప్పుడు తమిళంలో మరో హీరోయిన్ ఓరియెంటెడ్ సబ్జెక్ట్‌ చేయబోతోందట సామ్.

ఆ వివరాల్లోకి వెళితే… కోలీవుడ్ లేడీ సూపర్ స్టార్ నయనతారతో ‘ఆరమ్’ (తెలుగులో ‘కర్తవ్యం’) అనే చిత్రాన్ని రూపొందించిన గోపీ నైనర్ దర్శకత్వంలో సామ్ ఓ సినిమా చేయబోతోందని కోలీవుడ్ టాక్. ప్రస్తుతం చర్చల దశలో ఉన్న ఈ ఫీమేల్ సెంట్రిక్ సబ్జెక్ట్‌కి సామ్ ఓకే చెప్పే అవకాశాలు ఉన్నాయని తమిళ సినీ వర్గాల భోగట్టా. ఈ నేప‌థ్యంలో రానున్న రోజుల్లో సామ్, గోపీ నైనర్ సినిమాకి సంబంధించి అఫీషియ‌ల్ అనౌన్స్‌మెంట్ వెలువడుతుందేమో చూడాలి.

కాగా… ప్ర‌స్తుతం శ‌ర్వానంద్‌కు జంట‌గా త‌మిళ రీమేక్ చిత్రం ‘96’లో న‌టిస్తోంది సామ్.

[subscribe]

[youtube_video videoid=PF-vPViVXaI]