“అనుమానం పెనుభూతం” అన్న కథాంశంతో తెరకెక్కిన చిత్రం ‘జరిగిన కథ’. అన్నదమ్ముల ఆదర్శం, ఆలుమగల అనురాగం, తల్లీబిడ్డల మమకారం వంటి అంశాలతో ప్రేక్ష‌కుల‌ను అల‌రించిన సినిమా. “కళావాచస్పతి” జగ్గయ్య, సూపర్ స్టార్ కృష్ణ, కాంచన ప్రధాన పాత్రధారులుగా తెరకెక్కిన ఈ ఫ్యామిలీ ఎంటర్‌టైనర్‌లో నాగయ్య, రాజనాల, రాజబాబు, బాలకృష్ణ, అల్లురామలింగయ్య, ప్రభాకరరెడ్డి, సంధ్య, విజయలలిత, మంజుల, సబిత, బేబీ రోజారమణి తదితరులు ఇతర భూమికలను పోషించారు. కె.బాబూరావు దర్శకత్వం వహించిన ఈ చిత్రాన్ని నాగావళీ (విజేతా) ఫిలిమ్స్ పతాకంపై కె.ఎ.ప్రభాకర్ నిర్మించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఘంటసాల మాస్టార్ సంగీత సార‌థ్యంలో రూపొందిన పాటలన్నీ విశేష ప్రేక్షకాదరణ పొందాయి. ముఖ్యంగా “భలే మంచి రోజు”, “తోడుగ నీవుంటే నీ నీడగ నేనుంటే”, “ఏనాటికైనా ఈ మూగవీణా” వంటి పాటలు ఇప్పటికీ సంగీత ప్రియులను అలరిస్తూనే ఉంటాయి. తెలుగులో ఘనవిజయం సాధించిన ఈ చిత్రాన్ని కన్నడంలో ‘నన్నతమ్మ’ పేరుతో పునర్నిర్మించగా… అక్కడ కూడా మంచి విజయాన్ని నమోదు చేయడం విశేషం. 1969 జూలై 4న విడుదలైన ‘జరిగిన కథ’… నేటితో 50 వసంతాలను పూర్తి చేసుకుంటోంది.
[subscribe]
[youtube_video videoid=fceEzp6Piy8]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
