తిరుపతిలో జరిగిన ‘లెనిన్’ సినిమా ప్రీ-రిలీజ్ ఈవెంట్లో అక్కినేని యంగ్ హీరో అఖిల్ చేసిన వ్యాఖ్యలు అభిమానులను ఎంతగానో ఆకట్టుకున్నాయి. గత కొంతకాలంగా వెండితెరకు దూరంగా ఉండటంపై తన మనసులోని బాధను, అలాగే ఈ సినిమాపై పెట్టుకున్న నమ్మకాన్ని అఖిల్ ఎంతో భావోద్వేగంగా పంచుకున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
అఖిల్ మాట్లాడుతూ.. “గత రెండున్నరేళ్లుగా ప్రేక్షకులతో కమ్యూనికేట్ చేయలేకపోయాను. అందరికీ ముఖం చూపించలేకపోయాను. ఈ గ్యాప్ రావడం నాకు చాలా బాధ కలిగించింది. ఈ నిజాన్ని నేను నిజాయతీగా అంగీకరిస్తున్నాను” అని తెలిపారు. అయితే ఈరోజు తిరుపతి వేదికపైకి ఒక బలమైన సానుకూల దృక్పథంతో రావడానికి కారణం ‘లెనిన్’ సినిమానే అని స్పష్టం చేశారు.
దర్శకుడు మురళీ కిషోర్ అబ్బూరు ఈ కథను వినిపించిన వెంటనే.. తన గత ప్రయాణం, పడ్డ బాధ అంతా ఈ స్క్రిప్ట్లోనే కనిపించాయని అఖిల్ భావోద్వేగానికి లోనయ్యారు. అందుకే ఈ కథను తనతో తప్ప మరెవరితోనూ చేయవద్దని దర్శకుడికి చెప్పినట్లు గుర్తుచేసుకున్నారు. ప్రతి ఒక్కరి ఇళ్లల్లో ఒకడిగా మారిపోవాలనే, ప్రేక్షకులు తనను తమ సొంత ఇంటి మనిషిలా భావించాలనే ఉద్దేశంతోనే ఈ సినిమా చేశానని పేర్కొన్నారు.
చిత్రానికి సంగీత దర్శకుడు ఎస్.ఎస్. తమన్ తన అద్భుతమైన మ్యూజిక్తో ప్రాణం పోశారని అఖిల్ ప్రశంసించారు. సినిమా విజయంపై పూర్తి నమ్మకంతో ఉన్న అఖిల్, “ఈ నెల 10న థియేటర్లలో మొదట మా సినిమానే మాట్లాడుతుంది.. ఆ తర్వాతే మేము మాట్లాడతాం” అంటూ ఎంతో కాన్ఫిడెంట్గా వ్యాఖ్యానించారు. అఖిల్ మాటల్లోని నిజాయతీ, ధీమా చూసిన అభిమానులు అఖిల్ కెరీర్లోనే ఈ చిత్రం ఒక భారీ మైలురాయిగా నిలవడం ఖాయమని నమ్ముతున్నారు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
x
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
