సినిమాలో ఇంకా ఎక్కువ ఫన్, కామెడీ ఉంటుంది - మేర్లపాక గాంధీ
Merlapaka Gandhi Promises Unlimited Entertainment with Korean Kanakaraju

మెగా ప్రిన్స్ వరుణ్ తేజ్ సరికొత్త అవతార్లో కనిపిస్తున్న 'కొరియన్ కనకరాజు' పై రోజురోజుకీ అంచనాలు పెరుగుతున్నాయి. మేర్లపాక గాంధీ దర్శకత్వంలో తెరకెక్కుతున్న ఈ హారర్ కామెడీని యూవీ క్రియేషన్స్, ఫస్ట్ ఫ్రేమ్ ఎంటర్టైన్మెంట్ సంయుక్తంగా నిర్మిస్తున్నాయి. ఇప్పటికే విడుదలైన టైటిల్ గ్లింప్స్, టీజర్, రెండు చార్ట్బస్టర్ పాటలు సినిమాపై మంచి బజ్ను క్రియేట్ చేశాయి. తాజాగా మెగా పవర్ స్టార్ రామ్ చరణ్ ఈ సినిమా థియేట్రికల్ ట్రైలర్ను విడుదల చేసి అంచనాలను మరింత పెంచేశారు.
ట్రైలర్ లాంచ్ ఈవెంట్ లో దర్శకుడు మేర్లపాక గాంధీ మాట్లాడుతూ.. ట్రైలర్ మీ అందరికీ నచ్చడం చాలా ఆనందంగా ఉంది. సినిమాలో ఇంకా ఎక్కువ ఫన్, కామెడీ ఉంటుంది. వరుణ్ తేజ్ గారు, సత్య గారి పెర్ఫార్మెన్స్ను ప్రేక్షకులు చాలా ఎంజాయ్ చేస్తారు. రీతికా కూడా తన పాత్రను చాలా బాగా చేసింది. మనోజ్ అద్భుతమైన విజువల్స్ ఇచ్చారు. థమన్ గారు అద్భుతమైన రీ-రికార్డింగ్ అందిస్తున్నారు. ఆగస్టు 7న తప్పకుండా థియేటర్కు వచ్చి సినిమా చూడాలని కోరుకుంటున్నాను.







