వరద బాధితులకు 'మైత్రీ' సాయం
Tollywood Production House Mythri Movie Makers Announced Big Aid For Flood Victims

భారీ వరదల కారణంగా ప్రస్తుతం తెలుగు రాష్ట్రాలు తీవ్ర ఇక్కట్లు ఎదుర్కొంటున్నాయి. ఇటీవల కురుస్తున్న ఎడతెరిపిలేని వర్షాలకు భారీ వరదలు పోటెత్తడంతో రెండు రాష్ట్రాలను వరదలు ఉక్కిరిబిక్కిరి చేస్తున్నాయి. అనేకచోట్ల లోతట్టు ప్రాంతాలు వరద నీటిలో చిక్కుకున్నాయి. దీంతో లక్షలాదిమంది ప్రజలు గడచిన మూడు రోజులుగా ఎన్నో ఇబ్బందులు ఎదుర్కొంటున్నారు. ఈ నేపథ్యంలో తెలుగు చిత్ర పరిశ్రమలోని పలువురు అగ్ర హీరోలు సహా ప్రముఖులు వారిని ఆదుకోవడానికి ముందుకొస్తున్నారు.
ఈ క్రమంలో తాజాగా టాలీవుడ్ టాప్ ప్రొడక్షన్ హౌస్ 'మైత్రీ మూవీ మేకర్స్' వరద బాధితులకు అండగా నిలిచేందుకు ముందుకొచ్చింది. దీనిలో భాగంగా ఆంధ్రప్రదేశ్ మరియు తెలంగాణలకు ఒక్కో రాష్ట్రానికి రూ.25 లక్షలు చొప్పున మొత్తం రూ. 50 లక్షల భారీ విరాళం ప్రకటించింది. ఈ మేరకు సంస్థ సోషల్ మీడియా వేదికగా దీనిపై ఓ ప్రకటన చేసింది.







