ఓటీటీ లోకి వచ్చేస్తున్న కమిటీ కుర్రోళ్లు.. స్ట్రీమింగ్ డేట్ ఎప్పుడంటే?
Committee Kurrollu OTT Streaming Date Locked

మెగా డాటర్ నిహారిక కొణిదెల సమర్పణలో పింక్ ఎలిఫెంట్ పిక్చర్స్ మరియు ఎల్.ఎల్.పి, శ్రీరాధా దామోదర్ స్టూడియోస్ బ్యానర్స్పై ప్రొడక్షన్ నెం.1గా రూపొందిన తాజా చిత్రం ‘కమిటీ కుర్రోళ్ళు’. పద్మజ కొణిదెల, జయలక్ష్మి అడపాక నిర్మాతలుగా వ్యవహరించిన ఈ సినిమాకు యంగ్ డైరెక్టర్ యదు వంశీ దర్శకత్వం వహించాడు. ఇక నిహారిక సమర్పణలో తొలిసారిగా ఒక మూవీ రావడంతో ఈ కమిటీ కుర్రోళ్ళుపై మంచి అంచనాలే నెలకొన్నాయి.
దీనికితోడు విడుదలకు ముందే ఈ సినిమా నుంచి విడుదలైన టీజర్, లిరికల్ సాంగ్స్, థియేట్రికల్ ట్రైలర్కు చాలా మంచి స్పందన రావడంతో మూవీపై మంచి బజ్ క్రియేట్ అయ్యింది. ఈ నేపథ్యంలో ఈ సినిమా ఫ్రెండ్ షిప్ డే వీక్ సందర్భంగా ఆగస్ట్ 9న విడుదలయిన విషయం తెలిసిందే. అంచనాలకు తగ్గట్టే థియేటర్లలో ప్రేక్షకులను అలరించిన ఈ సినిమా సూపర్ హిట్ అనిపించుకుంది. ఈ క్రమంలో తాజాగా కమిటీ కుర్రోళ్ళు చిత్రం నుంచి కీలక అప్డేట్ వచ్చింది.
త్వరలో ఈ మూవీ ఓటీటీ లోకి వచ్చేస్తోంది. ప్రముఖ ఓటీటీ ప్లాట్ఫామ్ ఈటీవీ విన్లో ఈ సినిమా ప్రసారం కానున్న సంగతి తెలిసిందే. తాజాగా దీనికి సంబంధించి స్ట్రీమింగ్ డేట్ ఫిక్స్ అయింది. సెప్టెంబర్ 12నుంచి కమిటీ కుర్రోళ్ళు చిత్రం అందుబాటులోకి రానుంది. ఈ మేరకు సదరు ప్లాట్ఫామ్ సోషల్ మీడియాలో తెలిపింది. సో మూవీ లవర్స్.. గెట్ రెడీ, థియేటర్లలో ఈ సినిమాను మిస్ అయినవారు త్వరలో ఇంట్లోనే కూర్చుని వీక్షించే అవకాశాన్ని పొందండి.







