వెంకటేష్ గారి నుంచి అది నేర్చుకున్నాను – సైంధవ్ విలన్ నవాజుద్దీన్ సిద్ధిఖీ

Saindhav Actor Nawazuddin Siddiqui Praises Hero Venkatesh

విక్టరీ వెంకటేష్ 75 మైల్ స్టోన్, మోస్ట్ ఎవైటెడ్ పాన్ ఇండియా మూవీ ‘సైంధవ్’. వెరీ ట్యాలెంటెడ్ డైరెక్టర్ శైలేష్ కొలను దర్శకత్వం వహించిన ఈ చిత్రం సంక్రాంతి కానుకగా ప్రేక్షకుల వస్తోంది. ఇప్పటికే విడుదలైన టీజర్, పాటలు, ట్రైలర్ ట్రెమండస్ రెస్పాన్స్‌తో హ్యుజ్ బజ్‌ని క్రియేట్ చేశాయి. వెర్సటైల్ యాక్టర్ నవాజుద్దీన్ సిద్ధిఖీ ఈ చిత్రంతో తెలుగులో పరిచయం అవుతున్నారు. నిహారిక ఎంటర్‌టైన్‌మెంట్ బ్యానర్‌పై ప్రముఖ నిర్మాత వెంకట్ బోయనపల్లి ప్రతిష్టాత్మకంగా నిర్మించిన ఈ చిత్రం జనవరి 13న గ్రాండ్‌గా విడుదల కానుంది. ఈ నేపధ్యంలో నవాజుద్దీన్ సిద్ధిఖీ విలేకర్ల సమావేశంలో చిత్ర విశేషాలని పంచుకున్నారు.

మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 👇

లేటెస్ట్ తెలుగు మూవీస్

నవాజుద్దీన్ గారు.. తెలుగు పరిశ్రమలోకి స్వాగతం

థాంక్ యూ.

మీ నటనతో దేశవ్యాప్తంగా ప్రేక్షకాదరణ పొందారు.. తెలుగులోకి రావడానికి ఎందుకింత ఆలస్యమైయింది?

ప్రతి నటుడు ఒక మంచి కథ కోసం ఎదురుచూస్తాడు. నేను కూడా అలా సరైన స్క్రిప్ట్ కోసం ఎదురుచూశాను. అది ‘సైంధవ్’తో కుదిరింది. చాలా ఆసక్తికరమైన కథ ఇది. వెంకటేష్ గారితో కలసి పని చేయడం ఎవరికైనా ఒక డ్రీమ్. ఆయనతో కలసి పని చేయడం చాలా అనందంగా వుంది.

ఇప్పుడు మీరు విలన్ పాత్రలు తగ్గించారు కదా.. సైంధవ్‌లో విలన్‌గా కనిపించడానికి ప్రత్యేకమైన కారణం ఉందా?

నేను ఎప్పుడూ విలన్, హీరో పాత్ర అని చూడలేదు. పాత్ర ఆసక్తికరంగా ఉందా లేదా అనేదే ముఖ్యం. కొన్ని సార్లు పాజిటివ్ రోల్స్ కంటే నెగిటివ్ రోల్స్‌లో పెర్ఫార్మ్ చేసే అవకాశం ఎక్కువగా వుంటుంది. సైంధవ్‌లో దర్శకుడు శైలేష్ చాలా యూనిక్ రోల్‌ని డిజైన్ చేశారు. నటించడానికి చాలా అవకాశం వున్న పాత్ర.

తొలి సినిమాకే డబ్బింగ్ చెప్పారు కదా? దీనికి స్ఫూర్తి ఏమిటి ? తెలుగు భాష నేర్చుకోవడంలో ఎలాంటి సవాళ్ళు ఎదురుకున్నారు?

ఈ విషయంలో దర్శకుడు శైలేష్ ప్రేరణ ఇచ్చారు. నా నటనకు వేరే ఎవరో డబ్బింగ్ చెప్పడం కూడా నాకు ఇష్టం వుండదు. పాత్రలో ఆ డెప్త్ రాదు. ఇందులో నాది హైదరాబాదీ పాత్ర. కొంచెం హిందీ, కొంచెం తెలుగు రెండూ కలగలిపి మాట్లాడే పాత్ర. ఆ పాత్రకు నేను డబ్బింగ్ చెబితేనే న్యాయం జరుగుతుంది. అందుకే భాషని, భావాన్ని అర్ధం చేసుకొని చెప్పాను. ఏదైనా కొత్త భాష నేర్చుకున్నప్పుడు మొదట్లో కొంత కష్టంగానే వుంటుంది. భాష గురించి తెలుసుస్తున్న కొద్దీ అది సులువైపోతుంది. నాకు ప్రామ్టింగ్ మీద నమ్మకం లేదు. ఎంత కష్టమైనా నా డైలాగులని నేర్చుకుని చెప్పడమే ఇష్టం. సైంధవ్‌లో కూడా అలా ప్రతిదీ నేర్చుకొని చెప్పాను.

తెలుగు సినిమాలు చూస్తారా?

చాలా తెలుగు సినిమాలు చూశాను. వెంకటేష్ గారు చేసిన ఫ్యామిలీ సబ్జెక్ట్ చూస్తుంటాను. ఆయన హిందీలో చేసిన ‘అనారి’ సినిమా కూడా చూశాను.

ఒక నటుడిగా మీ నుంచి మిగతా వాళ్ళు చాలా నేర్చుకుంటారు కదా.. అలా మీరు వెంకటేష్ గారి నుంచి ఎలాంటి విషయాలు నేర్చుకున్నారు?

ప్రతి నటుడిని నుంచి నేర్చుకోవాల్సినది చాలా వుంటుంది. వెంకటేష్ గారు చాలా కూల్‌గా వుంటారు. ఎప్పుడూ ప్రశాంతంగా కనిపిస్తారు. లొకేషన్‌కి వచ్చే ముందే డైలాగ్స్ అన్నీ నేర్చుకొని వస్తారు. యాక్షన్ సీన్స్‌లో చాలా రిస్క్‌లు తీసుకున్నారు. ఎలాంటి డూప్ లేకుండా స్వయంగా యాక్షన్ చేశారు. ఇందులో ఆయనది చాలా ఇంటెన్స్ క్యారెక్టర్. ఈ ప్రయాణంలో ఆయన నుంచి చాలా విషయాలు నేర్చుకున్నాను. ముఖ్యంగా ఆయనకి సహనం ఎక్కువ. అది ఆయన నుంచి తప్పకుండా నేర్చుకోవాలి.

ఇది వెంకటేష్ గారి 75 వ చిత్రం.. ఇందులో భాగం ఎలా అనిపించింది?

వెంకటేష్ గారితో కలసి పని చేయడం గ్రేట్ ఎక్స్‌పీరియన్స్. ఇందులో వెంకటేష్ గారు చాలా డిఫరెంట్ పాత్రలో కనిపిస్తారు. కొత్త అవతార్‌లో వెంకీ గారిని చూస్తారు. ఆయన 75 వ చిత్రంలో భాగం కావడం ఆనందంగా వుంది.

దర్శకుడు శైలేష్ గురించి?

శైలేష్ చాలా ప్రొఫెషనల్ డైరెక్టర్. తనకి చాలా క్లారిటీ వుంటుంది. ఎడిటింగ్ కూడా తన మైండ్‌లో వుంటుంది. ఎంత షూట్ చేయాలనేది తనకు పూర్తి క్లారిటీ వుంటుంది. నా క్యారెక్టర్‌ని చాలా ఇంప్రవైజ్ చేశాడు. అవకాశం వున్న ప్రతి చోట మెరుగుపరిచాడు. తను కథ చెప్పినప్పుడే ఇది తప్పకుండా పెద్ద విజయం సాధించే చిత్రం అవుతుందనే నమ్మకం కలిగింది. కథని ఎంత అద్భుతంగా చెప్పాడో అంతే అద్భుతంగా చిత్రాన్ని తీశాడు. తను చిత్ర పరిశ్రమలోకి వచ్చి కేవలం ఐదేళ్ళు అవుతుంది. కానీ చాలా అపూర్వమైన అనుభవం అతనిలో కనిపిస్తుంది. అన్ని విషయాలపై తనకి సంపూర్ణమైన స్పష్టత వుంటుంది.

ఇందులో మీకు సవాల్ గా అనిపించిన అంశం ఏమిటి?

హెవీ యాక్షన్ వున్న చిత్రమిది. యాక్షన్ సీక్వెన్స్‌లు చేయడం కాస్త సవాల్‌గా అనిపించింది. మీరు చూస్తున్నపుడు ఇందులో యాక్షన్ ఎంత కష్టమో అర్ధమౌతుంది.

ఇందులో మీకు మెమరబుల్ మూమెంట్?

శ్రీలంక షెడ్యూల్ మర్చిపోలేను. సముద్రంలో బోట్ యాక్షన్ సీక్వెన్స్‌ని చిత్రీకరిస్తున్నాం. బోట్‌పై స్పీడ్‌గా వెళుతున్నాను. అకస్మాత్తుగా ఒక పెద్ద అల వచ్చింది. దీంతో ఒక్కసారి బోట్ వదిలేసి అలతో పాటు పైకి లేచాను. అదృష్టవశాత్తు.. మళ్ళీ బోట్ లోనే ల్యాండ్ అయ్యాను (నవ్వుతూ) ఆ సీన్ సినిమాలో వుంటుంది. ఆ సీక్వెన్స్‌ని ప్రేక్షకులు చాలా ఎంజాయ్ చేస్తారు.

ఇందులో మీ పాత్ర లెంత్ ఎలా వుంటుంది?

ఈ చిత్రం కోసం దాదాపు 40 రోజులు పని చేశాను. నా పాత్ర పట్ల చాలా తృప్తితో వున్నాను. చాలా మంచి క్యారెక్టర్. ప్రేక్షకులు ఖచ్చితంగా ఎంజాయ్ చేస్తారనే నమ్మకం వుంది.

సైంధవ్ ప్రొడక్షన్ హౌస్ గురించి?

నిహారిక ఎంటర్‌టైన్‌మెంట్ చాలా ప్రొఫెషనల్ ప్రొడక్షన్ హౌస్. భవిష్యత్‌లో వారు చేసే చిత్రాలలో నటించాలని కోరుకుంటాను.

టాలీవుడ్, బాలీవుడ్ వర్కింగ్ స్టైల్‌లో ఎలాంటి తేడా గమనించారు?

టాలీవుడ్ చాలా ప్రొఫెషనల్‌గా వుంది. ఇక్కడ సమయపాలన చక్కగా వుంది.

తెలుగు పరిశ్రమలో మీకు స్నేహితులు వున్నారా?

నాని గారు, రానా గారితో కలసి మాట్లాడాను. వారితో కలసినప్పుడు నటన గురించి చాలా అంశాలని పంచుకున్నాం.

టాలీవుడ్‌లో మీ ఫేవరేట్ యాక్టర్?

అందరూ ఇష్టమే. ప్రతి ఒక్కరిలో ఒక యూనిక్‌నెస్ వుంటుంది.

మీకు డ్రీమ్ రోల్ ఉందా?

ఓషో పాత్ర చేయాలని వుంది. అవకాశం వస్తే ఆయన బయోపిక్ చేస్తాను.

ఆల్ ది బెస్ట్..

థాంక్స్.

ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు          తమిళ్          కన్నడ          మలయాళం          డబ్బేడ్ ఫిలిమ్స్

మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:👇

తెలుగు ఫుల్ మూవీస్

Subscribe to our Youtube Channel Telugu Filmnagarfor the latest Tollywood updates.
Download the My Mango Appfor more amazing videos from the Tollywood industry.

LEAVE A REPLY

Please enter your comment!
Please enter your name here

seven + nine =