ఘనంగా టాలీవుడ్ యంగ్ డైరెక్టర్ వివాహం
Telugu Young Director Venky Atluri Ties the Knot

టాలీవుడ్ లో గత కొంత కాలంగా సెలబ్రిటీలు వరుసగా పెళ్లిళ్లు చేసుకుంటున్నారు. ఇక ఇప్పుడు యంగ్ డైరెక్టర్ కూడా వివాహ బంధంలోకి అడుగుపెట్టేశాడు. ఆ డైరెక్టర్ ఎవరో కాదు వెంకీ అట్లూరీ. ఆయన వివాహం నేడు జరిగింది. పూజా అనే యువతితో ఆయన ఏడడుగులు వేశారు. ఇరు కుటుంబ సభ్యుల సమక్షంలో ఫిబ్రవరి 1 వ తేదీన హైదరాబాద్లో ఘనంగా వీరి విహహం జరిగింది. ఈ సందర్భంగా నూతన వధూవరులతో కలిసి దిగిన ఓ ఫొటోని నితిన్ ట్విటర్ వేదికగా షేర్ చేశారు. ఇక ఫొటోలో ఆ నితిన్ మరియు అతని భార్య షాలిని, నటి కీర్తి సురేష్ మరియు దర్శకుడు వెంకీ కుడుముల ఉన్నారు.

కాగా వెంకీ సినీ కెరీర్ కు వస్తే తొలిప్రేమ సినిమాతో దర్శకుడిగా పరిచయం అయ్యాడు. మొదటి సినిమాతోనే మంచి గుర్తింపును తెచ్చుకున్నాడు. ఇక ఆతరువాత, మిస్టర్ మజ్ను, రంగ్ దే సినిమాలు తీశాడు. ప్రస్తుతం అయితే ధనుష్ లాంటి స్టార్ హీరో తో సార్ అనే సినిమా చేస్తున్నాడు. ఈసినిమా మరికొద్దిరోజుల్లో రిలీజ్ కానుంది. సితార ఎంటర్టైన్మెంట్స్ మరియు ఫార్చూన్ ఫోర్ సినిమాస్ నిర్మించిన ఈ చిత్రం ఫిబ్రవరి 17, 2023న గ్రాండ్ గా రిలీజ్ కానుంది.







