నైజాం లో 17. 38 కోట్ల ప్రాఫిట్ తో వాల్తేరు వీరయ్య మూవీ రికార్డ్
Waltair Veerayya Movie Made 17 38 Crore Profit in Nizam

మైత్రీ మూవీ మేకర్స్ బ్యానర్ పై బాబీ (కె ఎస్ రవీంద్ర )దర్శకత్వంలో చిరంజీవి, శృతి హాసన్ జంటగా వాల్తేరు వీరయ్య మూవీ సంక్రాంతి కానుకగా తెలుగు, హిందీ భాషలలో జనవరి 13వ తేదీ రిలీజ్ అయ్యి ఘనవిజయం సాధించి భారీ కలెక్షన్స్ తో దూసుకుపోతోంది. మాస్ మహారాజా రవితేజ కీలక పాత్రలలో నటించిన ఈ మూవీలో బిజూ మీనన్, రాజేంద్రప్రసాద్, వెన్నెల కిషోర్, శ్రీనివాస్ రెడ్డి, సప్తగిరి, బాబీ సింహా ముఖ్య పాత్రలలో నటించారు. బాలీవుడ్ నటి ఊర్వశి రౌతేలా ఒక స్పెషల్ సాంగ్ లో నటించారు. ఈ మూవీకి దేవిశ్రీ ప్రసాద్ సంగీతం అందించారు.
మెగా స్టార్ చిరంజీవి, మాస్ మహారాజా రవితేజ అద్భుతంగా పెర్ఫార్మ్ చేసి ప్రేక్షకులను ఆకట్టుకున్న వాల్తేరు వీరయ్య మూవీ 18 రోజులకు ప్రపంచవ్యాప్తంగా సుమారు 215 కోట్ల గ్రాస్, 126 కోట్ల షేర్ తో దూసుకుపోతోంది. వాల్తేరు వీరయ్య మూవీ కి నైజాం ఏరియా రైట్స్ 18 కోట్లకు బిజినెస్ అయ్యింది. నైజాం ఏరియాలో రూ. 18 కోట్ల బ్రేక్ ఈవెన్ పూర్తి చేసుకొన్న ఈ మూవీ ఇప్పటి వరకు రూ. 35.38 కోట్ల షేర్ వసూలు చేసింది. అంటే రూ. 17.38 కోట్ల ఫ్రాఫిట్ తో దూసుకుపోతూ రికార్డ్ క్రియేట్ చేసింది.







