“చంద్రముఖి 2 ” మూవీ లో లారెన్స్ కు జోడీగా త్రిష?

శివాజీ ప్రొడక్షన్స్ బ్యానర్ పై పి. వాసు దర్శకత్వంలో సూపర్ స్టార్ రజనీకాంత్ , నయనతార , జ్యోతిక , ప్రభు ప్రధాన పాత్రలలో తెరకెక్కిన కామెడీ హారర్ “చంద్రముఖి” తమిళ మూవీ , తెలుగు డబ్బింగ్ వెర్షన్ ఘనవిజయం సాధించిన విషయం తెలిసిందే. చంద్రముఖి పాత్రలో జ్యోతిక అద్భుతంగా పెర్ఫార్మ్ చేసి ప్రేక్షకుల ప్రశంసలు అందుకున్నారు. ఇప్పుడు “చంద్రముఖి “సీక్వెల్ “చంద్రముఖి 2 ” మూవీ తెరకెక్కనుంది.

భారీ చిత్ర నిర్మాణ సంస్థ లైకా ప్రొడక్షన్స్ బ్యానర్ పై పి. వాసు దర్శకత్వంలో లారెన్స్ హీరోగా “చంద్రముఖి 2” మూవీ తెరకెక్కనుంది. ఈ మూవీ లో చంద్రముఖి పాత్రకై సీనియర్ హీరోయిన్ త్రిష ఎంపిక అయ్యారని సమాచారం. లెజెండ‌రీ కమెడియ‌న్ వ‌డివేలు ఒక ముఖ్య పాత్రలో నటించనున్నారు. కీరవాణి సంగీతం అందిస్తున్నారు. ఇప్ప‌టికే మేక‌ర్స్ విడుద‌ల చేసిన‌ టైటిల్ లుక్ పోస్ట‌ర్ ప్రేక్షకులలో ఆసక్తిని కలిగించింది. కొన్నాళ్ల క్రితం కోవిడ్ -19 బారిన ప‌డ్డ త్రిష ప్ర‌స్తుతం కోలుకోవ‌డంతో బ్యాక్ టు బ్యాక్ సినిమాల‌కు సైన్ చేస్తున్నారని సమాచారం.