“సర్కారు వారి పాట”లో మహేష్ బాబు క్యారెక్టర్ పై పరశురామ్ ఆసక్తికర వ్యాఖ్యలు

May 7, 2022

సూపర్ స్టార్ మహేష్ బాబు , కీర్తి సురేష్ జంటగా మైత్రీ మూవీ మేకర్స్ , 14 రీల్స్ ప్లస్ , జి ఎమ్ బి ఎంటర్ టైన్ మెంట్ బ్యానర్స్ పై పరశురామ్ దర్శకత్వంలో తెరకెక్కుతున్న యాక్షన్ కామెడీ “సర్కారు వారి పాట” మూవీ 2022 సంవత్సరం మే 12 వ తేదీ రిలీజ్ కానుంది. అజయ్, వెన్నెల కిషోర్, సుబ్బరాజు, నదియా, సముద్ర ఖని ముఖ్య పాత్రలలో నటించారు. థమన్ ఎస్ సంగీతం అందిస్తున్నారు. చిత్ర యూనిట్ రిలీజ్ చేసిన పోస్టర్స్ , మహేష్ బాబు బర్త్ డే బ్లాస్టర్ , సాంగ్స్ ప్రేక్షకులను విశేషంగా ఆకట్టుకున్నాయి.

మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:

లేటెస్ట్ తెలుగు మూవీస్

తాజాగా దర్శకుడు పరశురామ్ ఒక ఇంటర్వ్యూ లో మాట్లాడుతూ “సర్కారు వారి పాట”లో మహేష్ బాబు క్యారెక్టర్ పై ఆసక్తికర వ్యాఖ్యలు చేశారు. “పోకిరి “మూవీ ఒక పోలీస్ ఆఫీసర్ కథ అనీ , ఈ మూవీ ఒక సాధారణ పౌరుడి కథ అనీ , మహేష్ బాబు లుక్స్ , మేనరిజం , హావభావాలు ప్రేక్షకులను అలరిస్తాయనీ , ముఖ్యంగా మహేష్ బాబు డ్యాన్స్ లు అభిమానులను ఉర్రూతలూగిస్తాయనీ , బ్యాంక్ నేపథ్యంలో తెరకెక్కిన కథ అయినా మహేష్ బాబు బ్యాంక్ ఉద్యోగి కాదనీ , మహేష్ బాబు కై ఈ కథ ను సిద్ధం చేశాననీ , ఆయన తో సినిమా చేయడం తో తన కల నిజమయిందనీ చెప్పారు.