‘బిచ్చగాడు2’ థీమ్ సాంగ్ రిలీజ్

తమిళ్ హీరోల్లో విభిన్నమైన పాత్రలు, సినిమాలు చేసే హీరోల్లో విజయ్ ఆంటోని పేరు కూడా ఉంటుంది.
విజయ్ ఆంటోని సినిమాలు కాస్త వైవిధ్యంగా ఉంటాయి. అందుకే కేవలం తమిళ్ లోనే కాదు తెలుగులో కూడా అభిమానులను సొంతం చేసుకున్నాడు. అయన హీరోగా తెరకెక్కిన బిచ్చగాడు సినిమా ఎంత గొప్ప విజయాన్ని సాధించిందో తెలిసిందే. తెలుగులో కూడా ఈ సినిమాను రిలీజ్ చేయగా ఇక్కడ కూడా ఈ సినిమా ఎన్నో రికార్డులను సృష్టించింది. ఇప్పుడు ఈసినిమాకు సీక్వెల్ గా బిచ్చగాడు 2 సినిమా వస్తున్న సంగతి తెలిసిందే. ప్రస్తుతం ఈసినిమా షూటింగ్ కూడా పూర్తి చేసుకొని పోస్ట్ ప్రొడక్షన్ పనులను జరుపుకుంటుంది. ఇక మరోవైపు ఈసినిమా ప్రమోషన్స్ కూడా స్టార్ట్ చేశారు. దీనిలో భాగంగానే ఇప్పటికే తను ఈసినిమాలో యాంటీ బికిలి పాత్రలో నటిస్తున్నట్టు తెలిపారు. ఇక తాజాగా ఈసినిమానుండి థీమ్ సాంగ్ ను రిలీజ్ చేశారు మేకర్స్.

కాగా ప్రియ కృష్ణ స్వామి ఈసినిమాకు దర్శకత్వం వహిస్తుండగా.. తమిళంతో పాటు తెలుగులో ఒకేసారి ఈసినిమాను విడుదల చేయనున్నారు. ఫాతిమా విజయ్ ఆంథోనీ ‘విజయ్ ఆంథోనీ ఫిల్మ్ కార్పొరేషన్’ పతాకంపై ఈ ప్రాజెక్టును నిర్మించనున్నారు. మరి బిచ్చగాడు లో తన కన్నతల్లి ఆరోగ్యం కోసం ఓ స్వామిజీ సలహాతో బిచ్చగాడుగా మారుతాడు హీరో. అయితే ఈ సీక్వెల్ లో ఓ గ్యాంగ్ స్టర్ బిచ్చగాడుగా ఎందుకు మారాడు అన్న నేపథ్యంలో సినిమా వస్తున్నట్టు తెలుస్తుంది. మరి ఈసీక్వెల్ ఎంతవరకూ హిట్ అవుతుందో చూద్దాం..

[subscribe]