యువతను ఆకట్టుకుంటున్న ‘వర్జిన్ స్టోరీ’ సినిమా ట్రైలర్

ప్రస్తుతం టాలీవుడ్ లో కొత్త తరం హీరో హీరోయిన్స్ సందడి ఎక్కువైంది. మేకర్స్ కూడా యంగ్ టాలెంట్ ను ప్రోత్సహిస్తూ సినిమాలు తీస్తున్నారు. ఇక ఇప్పుడు అలాంటి యూత్ ఫుల్ ఎంటర్ టైనరే మరొకటి రిలీజ్ కు సిద్దమవుతుంది. అల్లు అర్జున్ రేసుగుర్రం సినిమాలో చైల్డ్ ఆర్టిస్ట్ గా చేసిన విక్రమ్ సహిదేవ్.. ఆతరువాత అదే అల్లు అర్జున్ నా పేరు సూర్య-నా ఇల్లు ఇండియా సినిమాలో కీలక పాత్రలో చేసే అవకాశం దక్కించుకున్నాడు. ఇక రీసెంట్ గా వచ్చిన రౌడీబాయ్స్ సినిమాలో కూడా ఒక కీలక పాత్రలో నటించాడు. ఇక ఇప్పుడు హీరోగా మరో సినిమాతో వస్తున్నాడు.

విక్రమ్ సహిదేవ్ హీరోగా నటిస్తున్న సినిమా ‘వర్జిన్ స్టోరీ’. ప్రదీప్ బి అట్లూరి దర్శకత్వంలో ఈసినిమా తెరకెక్కించగా ఈ నెల 18వ తేదీన ఈసినిమా రిలీజ్ కాబోతుంది. ఇక దీనిలో భాగంగా ఈసినిమా ప్రమోషన్స్ తో బిజీగా ఉన్నారు మేకర్స్. అయితే ఈసినిమా నుండి రీసెంట్ గా ట్రైలర్ ను రిలీజ్ చేయగా ట్రైలర్ మాత్రం యూత్ ను ఆకట్టుకుంటుంది. టీనేజ్ లో ఉండే యువత ఆలోచనావిధానం ఎలా ఉంటుంది అన్న నేపథ్యంలో ఈసినిమాను తెరకెక్కించారు. అయితే స్వచ్ఛమైన ప్రేమను పొందాలన్నా, కోరుకున్న కెరీర్ ను దక్కించుకోవాలన్న అంత ఈజీగా సాధ్యపడదని.. దానికి సమయం పడుతుందని తెలిపే ప్రయత్నం చేశారు. మరి ఈసినిమా కూడా యూత్ కు బాగానే కనెక్ట్ అయ్యేలా ఉంది.

కాగా సౌమిక పాండియన్, రిషికా ఖన్నా, వినీత్‌ బవిశెట్టి తదితరులు ఈసినిమాలో నటించారు. లగడపాటి శిరీషా శ్రీధర్‌ ఈసినిమాను నిర్మించగా.. అచ్చు రాజమణి సంగీతం అందించారు.

[subscribe]