పూరీ జగన్నాథ్ దర్శకత్వంలో రౌడీస్టార్ విజయ్ దేవరకొండ కథానాయకుడిగా వస్తున్న సినిమా లైగర్. ప్రస్తుతం ఈసినిమా షూటింగ్ దశలో ఉంది. నిజానికి ఈసినిమా షూటింగ్ ఎప్పుడో పూర్తికావాల్సి ఉంది కానీ కరోనా వల్ల షూటింగ్ కు బ్రేక్ పడింది. అయితే షూటింగ్ పూర్తి కాకపోయినా కూడా రిలీజ్ డేట్ లను ఫిక్స్ చేసుకుంటున్నారు అందరూ. కానీ లైగర్ రిలీజ్ డేట్ మాత్రం ఇంతవరకూ చెప్పలేదు. ఇక దీనిపై విజయ్ దేవరకొండ క్లారిటీ ఇచ్చాడు. ఈసినిమా రిలీజ్ ఎందుకు లేట్ అవుతుందో చెప్పుకొచ్చాడు విజయ్ దేవరకొండ. ఈసినిమా షూటింగ్ కొద్దిరోజులు విదేశాల్లో చేయాలని ముందు నుండే చెబుతున్న సంగతి తెలిసిందే కదా.. ఇక ఇప్పుడు అదే విషయాన్ని చెబుతూ.. సినిమాకు సంబంధించి యుఎస్లో రెండు వారాల పాటు షూటింగ్ జరపాలి. అందుకు వీసాల కోసం ఎదురుచూస్తున్నాము. ఈ షెడ్యూల్లో మైక్ టైసన్ తో షూట్ చేయాలి. వీసాలకు అనుమతి వచ్చిన వెంటనే విడుదల తేదీని ప్రకటిస్తాము అని తెలిపాడు. ఇక ఈ షెడ్యూల్తో షూటింగ్ మొత్తం పూర్తి కానుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
కాగా బాలీవుడ్ భామ అనన్య పాండే హీరోయిన్ గా నటిస్తున్న ఈ సినిమాను పూరి కనెక్ట్స్ , ధర్మా ప్రొడక్షన్స్ బ్యానర్ పై తెలుగు, హిందీ, తమిళ, మలయాళ, కన్నడ భాషల్లో తెరకెక్కిస్తున్నారు. రమ్యకృష్ణ తోపాటు బాలీవుడ్ హీరో సునీల్ శెట్టి కూడా ఓ కీలక పాత్రలో నటిస్తున్నాడు. ఈ మూవీకి మణిశర్మ సంగీతం అందించనున్నారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: