జి నాగేశ్వర్ రెడ్డి దర్శకత్వంలో సందీప్ కిషన్, నేహాశెట్టి హీరోహీరోయిన్లుగా వస్తున్న కామెడీ ఎంటర్టైనర్ ‘గల్లీ రౌడీ’. ఈ సినిమా రిలీజ్ కు ఇంకా ఒక్క రోజు మాత్రమే ఉంది. ప్రస్తుతం ప్రమోషన్ కార్యక్రమాల్లో బిజీగా ఉంది చిత్రయూనిట్. ఏవీవీ సినిమా, కోనా ఫిల్మ్ కార్పోరేషన్ సంయుక్తంగా నిర్మిస్తున్న ఈసినిమాలో బాబీ సిన్హా విలన్ గా నటిస్తుండగా… వెన్నెల కిషోర్, రాజేంద్రప్రసాద్ కీలక పాత్రల్లో నటిస్తున్నారు. ఇక ఈసినిమాలో ఉన్న ఇంట్రెస్టింగ్ ఎలిమెంట్స్ ఏంటో ఒకసారి చూద్దాం..
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
సందీప్ కిషన్..
సందీప్ కిషన్ ఈమధ్య డిఫరెంట్ కథలతో వస్తున్నాడు. హిట్లు, ఫ్లాపులతో సంబంధం లేకుండా.. ప్రయోగాలు చేయడంలో మాత్రం ఎప్పుడూ ముందుంటాడు. ఇప్పటికే తెలుగు తెరపై తెరకెక్కిన తొలి హాకీ చిత్రం ‘ఏ1 ఎక్స్‌ప్రెస్’తో సందీప్ ప్రేక్షకుల ముందుకు వచ్చారు. ఇప్పుడు గల్లీరౌడీ సినిమాతో వస్తున్నాడు. ఈసినిమాపై కూడా మంచి అంచనాలు ఉన్నాయి.
కథ..
సందీప్ కిషన్.. జి.నాగేశ్వరరెడ్డి కాంబోలో రూపొందిన సినిమా ఇది. నిజానికి నాగేశ్వరరెడ్డి కామెడీ టైమింగ్ బాగుంటుంది. ఈసినిమాలో కూడా అది హైలెట్ అవుతుందనే అనిపిస్తుంది. వంశపారంపర్యంగా వచ్చిన రౌడీయిజాన్ని భుజానికెత్తుకున్న గల్లీ రౌడీగా సందీప్ కనిపిస్తున్నాడు ఈసినిమాలో. అంతేకాదు యాక్షన్ తో పాటు కామెడీని కూడా పెద్ద పీట వేసినట్టు ఇప్పటికే టీజర్, ట్రైలర్ లను చూస్తే అర్థమవుతుంది.
కాస్టింగ్..
టాలెంటెడ్ నటుడు బాబీ సింహా పోలీసు అధికారి పాత్రలో కనిపిస్తున్నాడు. మరోవైపు రాజేంద్ర ప్రసాద్‌ హీరోయిన్ ఫాదర్ గా భయపడే పాత్రలో కనిపిస్తున్నాడు. అంతేకాదు మరోసారి తన కామెడీతో నవ్వించడానికి సిద్దమైనట్టే తెలుస్తుంది. ఇంకా వెన్నెల కిషోర్, వైవా హర్షా లాంటి యంగ్ కమెడియన్స్ కూడా నటిస్తున్నారు.
కోన వెంకట్..
ఎన్నో సినిమాలకు రచయితగా పనిచేసిన కోనవెంకట్ ఇప్పుడు సినిమాలను కూడా నిర్మిస్తున్న సంగతి తెలిసిందే కదా. కోన వెంకట్ సమర్పణలో ఎంవీవీ సత్యనారాయణతో కలిసి కోన ఫిలిమ్ కార్పొరేషన్ బ్యానర్ పై కోన వెంకట్ కూడా ఈసినిమాను నిర్మిస్తున్నారు. కోనవెంకట్ సినిమా కాబట్టి ఈసినిమాపై కూడా అంచనాలు బాాగానే ఉన్నాయి.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
