ఇటీవల హీరోగా సరైన హిట్ లేక వెనకపడిపోయిన అల్లరి నరేశ్ తాజాగా ‘బంగారు బుల్లోడు’ సినిమాతో రావడానికి సిద్ధమయ్యారు. గిరి దర్శకత్వంలో అల్లరి నరేష్ హీరోగా తెరకెక్కిన సినిమా 'బంగారు బుల్లోడు'. ఈ సినిమా షూటింగ్ ఎప్పుడో పూర్తి చేసుకొని రిలీజ్ కు సిద్ధంగా వుంది. ఇక రిలీజ్ కు సిద్ధంగా ఉన్న ఈ సినిమా ఆ రోజు కోసం ఎప్పటినుండో ఎదురుచూస్తుంది. గత కొద్దిరోజులుగా సంక్రాంతికి రిలీజ్ చేసే ప్లాన్ లో ఉన్నట్టు తెలిపిన సంగతి తెలిసిందే. ఇక ఇప్పుడు తాజాగా ఈ సినిమా రిలీజ్ డేట్ ను ఫిక్స్ చేశారు చిత్రయూనిట్. జనవరి 23వ తేదీన ఈ సినిమాను రిలీజ్ చేస్తున్నట్టు కొద్ది సేపటి క్రితం ఈ విషయాన్ని అఫీషియల్గా ప్రకటించారు చిత్రయూనిట్.
కాగా పూజా ఝవేరి హీరోయిన్ గా నటిస్తున్న ఈ సినిమాను ఏకే ఎంటర్టైన్మెంట్స్ బ్యానర్ లో రామబ్రహ్మం సుంకర నిర్మిస్తున్నారు. తనికెళ్ల భరణి, పోసాని కృష్ణమురళి, పృథ్వీ, ప్రవీణ్, సత్యం రాజేశ్, ప్రభాస్ శ్రీను, జబర్దస్త్ మహేష్ తదితరులు నటిస్తున్న ఈ చిత్రానికి సాయి కార్తీక్ సంగీతమందిస్తున్నాడు.
ఇక ఈ సినిమాతో పాటు విజయ్ కనకమేడల దర్శకత్వంలో 'నాంది' అనే సస్పెన్స్ థ్రిల్లర్లో నటిస్తున్నాడు. ఈ సినిమాలో ఇంకా వరలక్ష్మి శరత్ కుమార్, ప్రియదర్శి, హరిశ్ ఉత్తమన్ కీలక పాత్రల్లో నటిస్తున్నారు. ఇప్పటికే నాంది సినిమా నుండి టీజర్ ను రిలీజ్ చేయగా దానికి సూపర్ రెస్పాన్స్ వచ్చింది.