కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

మంగ్లీ ‘స్వేచ్ఛ’ రిలీజ్ డేట్ ఫిక్స్

మంగ్లీ ‘స్వేచ్ఛ’ రిలీజ్ డేట్ ఫిక్స్

Singer Mangli Swecha Movie Gets Final Release Date

తీన్మార్ వార్తలతో టీవీ ప్రేక్షకులకు పరిచయమైన.. ఆ తర్వాత 'బతుకమ్మ' పాటలతో.. ఆ తర్వాత సినిమాల్లో పడే అవకాశం దక్కించుకొని మంచి గుర్తింపు తెచ్చుకుంది మంగ్లీ. ఇప్పుడు ఏకంగా తాను ప్రధాన పాత్రలో ఓ సినిమాలో కూడా నటించింది. కెపీఎన్‌. చౌహన్‌ దర్శకత్వంలో మంగ్లీ ప్రధాన పాత్రలో తెరకెక్కిన సినిమా ‘స్వేచ్ఛ’.

ఆడపిల్ల పుడితే చాలు అమ్మో అనుకుంటూ అమ్మేస్తున్న సమాజమిది. అలా అమ్మకానికి గురై అభాగ్యురాలైన ఓ యువతి ఎలా బతికింది? ఆమె ఏంసాధించింది అనే కథాంశంతో తెరకెక్కిన చిత్రం ఇది. ప్రస్తుతం అన్ని పనులు పూర్తిచేసుకొని రిలీజ్ కు సిద్ధంగా ఉంది. ఈ నెల 28న ఈ సినిమా ప్రేక్షకుల ముందుకు రానుంది. సరస్వతి డెవలపర్స్‌, లచ్చురాం ప్రొడక్షన్స్‌ పతాకంపై ఆంగోత్‌ రాజునాయక్‌ దీన్ని నిర్మించారు.

ఇక ఈ సందర్భంగా నిర్మాత మాట్లాడుతూ..: తండా స్థాయి నుండి ప్రపంచస్థాయి వరకు గాయనిగా ఎదిగిన మంగ్లీ ఈ చిత్రంలో అద్భుతమైన పాత్రను పోషించింది. ఆమె పాత్ర నేటి అమ్మాయికు ఎంతో ప్రేరణగా నిలుస్తుంది. సెంటిమెంట్‌, వినోదం మేళవింపుతో రూపొందిన ఈ చిత్రం అందర్ని అలరిస్తుందనే నమ్మకం వుంది. పాపికొండలతో పాటు... అందమైన లోకేషన్లలో చిత్రీకరణ చేశాం’ అని తెలిపారు. ‘ఒక మంచి పాత్రలో నటించడంతో పాటు సంగీతం అందించడం ఆనందంగా ఉందని’ భోలో షావలి తెలిపారు.

దర్శకుడు మాట్లాడుతూ..: పర్యావరణ పరిరక్షణకు చెట్లు ఎంత ముఖ్యమో, ఈ సృష్టికి ఆడపిల్ల అంతే ముఖ్యమని తెలిపే చిత్రమిది. ఆడప్లిను పురిటిలోనే చంపకుండా వారిని చదివించి, ప్రయోజకులను చేస్తే ఏ రంగంలో వాళ్లు తీసిపోరనే అద్భుతమైన కథాంశమిది. మంగ్లీ నటన ఈ చిత్రానికి హైలైట్‌గా నిలుస్తుంది. హాస్య నటుడు చమ్మక్‌ చంద్ర ఈ చిత్రంలో ఓ ముఖ్యపాత్రలో నటించాడని తెలిపారు. ‘బంజారే బంజారే..’ పాటను సింగర్‌ మంగ్లీ అద్భుతంగా ఆపించినట్లు తెలిపారు.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్