నాలుగు ద‌శాబ్దాల మెగాస్టార్ చిరంజీవి న‌ట‌నాప్ర‌స్థానంలో ఎన్నో బ్లాక్‌బ‌స్ట‌ర్స్‌, మ‌రెన్నో సూప‌ర్ హిట్స్ ఉన్నాయి. ఇక ఇండ‌స్ట్రీ హిట్స్ సంగ‌తి స‌రేస‌రి. అయితే, క‌థానాయ‌కుడిగా చిరు ద‌శ‌ను, దిశ‌ను మేలిమ‌లుపు తిప్పిన చిత్రం మాత్రం ఒక‌టుంది. అదే… `ఖైదీ`. అంత‌కుముందు ఈ కొణిదెల `కొద‌మ‌సింహం` న‌టించిన అర‌వై చిత్రాలు ఒకెత్తు అయితే, `ఖైదీ` మ‌రో ఎత్తు. ప‌గ, ప్ర‌తీకారాల‌తో ర‌గిలిపోయే సూర్యం పాత్ర‌లో సూర్యుడిలా వెలిగిపోయారు ఈ న‌ట‌శిఖ‌రం. ఆపై తెలుగువారి గుండెల్లో అభిమాన‌పాత్రుడైన `ఖైదీ`గా స్థిర‌ప‌డిపోయారు. మొత్త‌మ్మీద… `ఖైదీ`కి ముందు, `ఖైదీ`కి త‌రువాత అన్నంత‌గా చిరు కెరీర్‌పై ప్ర‌భావం చూపింది ఈ సంచ‌ల‌న ప్ర‌తీకార చిత్రం.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఎ.కోదండ‌రామిరెడ్డి ద‌ర్శ‌క‌త్వంలో సంయుక్తా మూవీస్ సంస్థ నిర్మించిన ఈ చిత్రంలో చిరుకి జోడీగా మాధ‌వి, సుమ‌ల‌త న‌టించ‌గా, కీల‌క పాత్ర‌ల్లో రావుగోపాల రావు, సంగీత, రంగ‌నాథ్ ద‌ర్శ‌న‌మిచ్చారు. చ‌క్ర‌వ‌ర్తి సంగీత‌సార‌థ్యంలో రూపొందిన పాట‌ల‌న్నీ మాస్‌ని ఉర్రూత‌లూగించాయి. ముఖ్యంగా `ర‌గులుతోంది మొగ‌లిపొద`, `వేదం నాదం`, `గోరింట పూసింది`, `ఇదేమిట‌బ్బా` అప్ప‌ట్లో సంచ‌ల‌నం సృష్టించాయి. 1983 అక్టోబ‌ర్ 28న విడుద‌లై బాక్సాఫీస్ ముంగిట బ్లాక్‌బ‌స్ట‌ర్‌గా నిల‌చిన `ఖైదీ`… నేటితో 36 వ‌సంతాల‌ను పూర్తిచేసుకుంటోంది.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
