గ‌త ఏడాది `రంగ‌స్థ‌లం` రూపంలో సంచ‌ల‌న విజ‌యం అందుకున్నాడు మెగాప‌వ‌ర్ స్టార్ రామ్ చరణ్. అయితే, ఆ త‌రువాత వ‌చ్చిన `విన‌య విధేయ రామ` నిరాశ‌ప‌రిచినా… ఆరంభ వ‌సూళ్ళ ప‌రంగా చరణ్ స్టామినాని చెప్ప‌క‌నే చెప్పింది. ప్ర‌స్తుతం ద‌ర్శ‌క‌ధీరుడు య‌స్‌.య‌స్‌. రాజ‌మౌళి రూపొందిస్తున్న క్రేజీ మ‌ల్టీస్టార‌ర్ `ఆర్ ఆర్ ఆర్`లో… యంగ్ టైగ‌ర్ య‌న్టీఆర్‌తో స్క్రీన్ షేర్ చేసుకుంటున్నాడు ఈ కొణిదెల వారి రెండో త‌రం క‌థానాయ‌కుడు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇదిలా ఉంటే… `ఆర్ ఆర్ ఆర్` త‌రువాత చరణ్ చేయ‌బోయే సినిమాపై క్లారిటీ వ‌చ్చింది. స‌క్సెస్‌ఫుల్ డైరెక్ట‌ర్ కొర‌టాల శివ ద‌ర్శ‌క‌త్వంలో చెర్రీ నెక్ట్స్ వెంచ‌ర్ ఉంటుంద‌ని స‌మాచారం. ప్ర‌స్తుతం… మెగాస్టార్ చిరంజీవి క‌థానాయ‌కుడిగా కొర‌టాల ఓ క్రేజీ ప్రాజెక్ట్ తెర‌కెక్కిస్తున్న సంగ‌తి తెలిసిందే. 2020 ఉగాదికి ఈ భారీ బ‌డ్జెట్ మూవీ ప్రేక్ష‌కుల ముందుకు రానుంది. ఆ చిత్రం విడుద‌ల‌య్యాకే చరణ్, కొర‌టాల కాంబినేష‌న్ మూవీ ప్రారంభ‌మ‌వుతుంద‌ని స‌మాచారం.
వాస్త‌వానికి, ఆరేళ్ళ క్రిత‌మే చరణ్ – కొర‌టాల కాంబోలో ఓ సినిమా రావాల్సి ఉంది. ప్రారంభోత్స‌వం కూడా జ‌రుపుకున్న స‌ద‌రు ప్రాజెక్ట్ అనివార్య కార‌ణాల వ‌ల్ల ఆగిపోయింది. ఎట్ట‌కేల‌కు ఈ కాంబినేష‌న్ సెట్ అవుతుండ‌డం విశేషం. త్వ‌ర‌లోనే చరణ్, కొర‌టాల కాంబో మూవీపై అధికారిక ప్ర‌క‌ట‌న వ‌స్తుంది.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
