పుష్కరకాలంగా కథానాయికగా రాణిస్తున్న వైనం కాజల్ అగర్వాల్ సొంతం. అందం, అభినయం మెండుగా ఉన్న ఈ టాలీవుడ్ చందమామ… ఇప్పటివరకు `అమ్మ` పాత్రల్లో నటించిన సందర్భాలే లేవు. అలాంటిది.. ఓ ప్రతిష్ఠాత్మక చిత్రం కోసం ఏకంగా 85 ఏళ్ళ బామ్మగా కనిపించబోతోందట ఈ టాలెంటెడ్ బ్యూటీ.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
కాస్త వివరాల్లోకి వెళితే… `భారతీయుడు` (1996)కి కొనసాగింపుగా లోక నాయకుడు కమల్ హాసన్, దిగ్గజ దర్శకుడు శంకర్ కాంబినేషన్లో `భారతీయుడు 2` రూపొందుతున్న సంగతి తెలిసిందే. తొలి భాగంలో సుకన్య పోషించిన అమృతవల్లి పాత్రకి కొనసాగింపుగా కాజల్ పాత్ర ఉంటుందని సమాచారం. అంతేకాదు… 85 ఏళ్ళ వృద్ధురాలిగా ఈ పాత్రని డిజైన్ చేశారట శంకర్. ఈ నేపథ్యంలో… ప్రొస్థెటిక్ మేకప్తో ఈ బామ్మ పాత్రలో కాజల్ దర్శనమిస్తుందని సమాచారం. అదే గనుక నిజమైతే… కాజల్ కెరీర్లోనే మోస్ట్ ఛాలెంజింగ్ రోల్ ఇదని చెప్పొచ్చు. త్వరలోనే కాజల్ క్యారెక్టర్పై క్లారిటీ వచ్చే అవకాశముంది.
ప్రస్తుతం ఈ సినిమాకి సంబంధించిన తాజా షెడ్యూల్ మధ్యప్రదేశ్లోని భోఫాల్లో జరుగుతోంది. 90 ఏళ్ళ వృద్ధుడు సేనాపతి(తొలి భాగంలో తండ్రి పాత్ర)గా నటిస్తున్న కమల్పై కొన్ని కీలక సన్నివేశాలను అక్కడ తెరకెక్కిస్తున్నారు. ఈ షెడ్యూల్ అనంతరం గ్వాలియర్, తైవాన్ లో తదుపరి షెడ్యూల్స్ ప్లాన్ చేశారు శంకర్.
కాగా… సిద్ధార్థ్, రకుల్ ప్రీత్ సింగ్ ఇతర ముఖ్య పాత్రల్లో నటిస్తున్న `భారతీయుడు 2`కి అనిరుధ్ బాణీలు అందిస్తున్నాడు.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: