తెలుగు నాటే కాదు కేరళలోనూ తనకంటూ ప్రత్యేక మార్కెట్ ను సంపాదించుకున్నాడు స్టైలిష్ స్టార్ అల్లు అర్జున్. అందుకే బన్నీ నటించిన ప్రతీ సినిమా… టాలీవుడ్తో పాటు మాలీవుడ్లోనూ (డబ్బింగ్ వెర్షన్) సందడి చేస్తుంటుంది. ఈ నేపథ్యంలోనే… ఇప్పుడు బన్నీ, త్రివిక్రమ్ శ్రీనివాస్ కాంబినేషన్లో తెరకెక్కుతున్న ‘అల… వైకుంఠపురములో…’ చిత్రాన్ని కూడా మలయాళంలో అనువదించి విడుదల చేయబోతున్నట్టు తెలుస్తోంది. అంతేకాదు… ఈ సినిమా డబ్బింగ్ వెర్షన్కు సంబంధించి ‘అంగు వైకుంఠపురత్తు’ అనే టైటిల్ను కూడా ఫిక్స్ చేసారని సమాచారం.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఇదిలా ఉంటే.. ప్రస్తుతం ఈ ఫ్యామిలీ ఎంటర్టైనర్ కి సంబంధించిన చిత్రీకరణ హైదరాబాద్ లో జరుగుతోంది. హైదరాబాద్ షెడ్యూల్ పూర్తైన వెంటనే… నాయకానాయికలపై ఓ పాటను షూట్ చేయడానికి విదేశాలకు పయనమవనుందట యూనిట్. కాగా… ఇటీవల వినాయక చవితి సందర్భంగా ఇంట్రెస్టింగ్ పోస్టర్ను విడుదల చేసిన చిత్ర బృందం… త్రివిక్రమ్ పుట్టిన రోజు సందర్భంగా నవంబర్ 7న టీజర్ను రిలీజ్ చేయనుందని టాక్.
పూజా హెగ్డే కథానాయికగా నటిస్తున్న ఈ చిత్రంలో టబు, జయరామ్, రాజేంద్రప్రసాద్, సుశాంత్, నివేదా పేతురాజ్, నవదీప్, సునీల్ ముఖ్య భూమికలు పోషిస్తున్నారు.
గీతా ఆర్ట్స్, హారిక అండ్ హాసిని క్రియేషన్స్ సంస్థలు సంయుక్తంగా నిర్మిస్తున్న ‘అల… వైకుంఠపురములో…’ వచ్చే ఏడాది సంక్రాంతికి ప్రేక్షకుల ముందుకు రానుంది.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: