కుటుంబ స‌భ్యుల‌ పేర్ల‌తో నాగ్ స్క్రీన్ నేమ్స్‌

టాలీవుడ్ స్టార్ హీరోలు తమ వారసుల పేర్లను స్క్రీన్ నేమ్స్‌గా పెట్టుకుని పలు సినిమాలలో సందడి చేసారు. అయితే… ఈ స్టార్ హీరోలలో అక్కినేని నాగార్జునది ప్రత్యేక‌ శైలి. ఎందుకంటే… తన‌ వారసుల పేర్లను స్క్రీన్ నేమ్స్ పెట్టుకోవడమే కాకుండా… తండ్రి, కోడలు పేర్లతో కూడా సినిమాలు చేసాడు ఈ టాలీవుడ్ మన్మథుడు.

ఆ వివ‌రాల్లోకి వెళితే… తన పెద్ద కొడుకు నాగచైతన్య పేరు కలిసొచ్చేలా ‘చైతన్య’(1991) టైటిల్‌తో ఏకంగా సినిమానే చేసిన నాగ్… రెండో తనయుడు “అఖిల్” పేరును ‘సూపర్’(2005) సినిమాలో స్క్రీన్ నేమ్‌గా వాడుకున్నాడు. అలాగే… అక్కినేని ఫ్యామిలీ మూవీ ‘మనం’(2014)లో… తండ్రి “నాగేశ్వరరావు” పేరును తన పాత్ర కోసం పెట్టుకున్నాడు కింగ్.

కాగా… రేపు (ఆగస్టు 9న) విడుదల కానున్న ‘మన్మథుడు 2’లో నాగ్ స్క్రీన్ నేమ్ “శామ్” అని ట్రైలర్ చూస్తే అర్థమవుతోంది. ఆస‌క్తిక‌ర‌మైన విష‌య‌మేమిటంటే… నాగ్ కోడ‌లు, న‌టి సమంతను అంద‌రూ ముద్దుగా “శామ్” అని పిలుస్తుంటారు. మరి… తండ్రి పేరులాగే కోడలు పేరు కూడా నాగ్‌కు క‌లిసొస్తుందో లేదో చూడాలి.

[subscribe]

[youtube_video videoid=mUMvw0LkABQ]