విజ‌య్ దేవరకొండ ‘పెళ్లిచూపులు’కు మూడేళ్ళు

యూత్ ఐకాన్ విజయ్ దేవరకొండ కెరీర్ ని మలుపు తిప్పిన చిత్రం ‘పెళ్ళిచూపులు’. సోలో హీరోగా విజయ్ నటించిన మొదటి సినిమా ఇదే కావడం విశేషం. తరుణ్ భాస్కర్ దర్శకుడిగా పరిచయమైన ఈ చిత్రంలో రీతూ వర్మ కథానాయికగా నటించింది. ప్రియదర్శి, నందు, అనీష్ కురువిల్లా తదితరులు ఇతర ముఖ్య పాత్రలు పోషించిన ఈ సినిమా ద్వారా… వివేక్ సాగర్ సంగీత దర్శకుడిగా పరిచయమయ్యాడు. వివేక్ అందించిన బాణీలు ఈ సినిమాకు బాగా ప్లస్ అయ్యాయి.

ముఖ్యంగా “చినుకు తాకే”, “మెరిసే మెరిసే”, ” రాలు రాగ పూల మాల” వంటి పాటలు ప్రేక్షకులను అలరించాయి. రాజ్ కందుకూరి, యష్ రంగినేని సంయుక్తంగా నిర్మించిన ఈ చిత్రం పలు ప్రాంతీయ పురస్కారాలతో పాటు జాతీయ పురస్కారాలను కూడా సొంతం చేసుకుంది. 2016 జూలై 29న విడుదలై ఘన విజయం సాధించిన ‘పెళ్లి చూపులు’… నేటితో మూడు వసంతాలను పూర్తి చేసుకుంటోంది.