చైతూ… ముచ్చ‌ట‌గా మూడోసారి

కథానాయకుడిగా యువసామ్రాట్ నాగచైతన్యది పదేళ్ల ప్రస్థానం. ఈ ప్రయాణంలో ఏడాదికి ఒకటి లేదా రెండు చిత్రాలకే పరిమితమైన సందర్భాలే ఎక్కువ. అయితే… 2011, 2014 సంవత్సరాల్లో మాత్రం చైతు మూడేసి సినిమాలతో సందడి చేశాడు. 2011లో ‘100% లవ్, దడ, బెజవాడ’ చిత్రాలతో పలకరించిన చైతు… 2014లో ‘మనం, ఆటోనగర్ సూర్య, ఒక లైలా కోసం’ తో అలరించాడు. కట్ చేస్తే… ఐదేళ్ల సుదీర్ఘ విరామం తర్వాత ముచ్చటగా మూడోసారి ఒకే క్యాలెండర్ ఇయర్ లో మూడేసి సినిమాలతో పలకరించబోతున్నాడు నాగ చైతన్య.

ఆ వివరాల్లోకి వెళితే… ఈ ఏడాది వేసవిలో ‘మజిలీ’తో ఆకట్టుకున్న నాగ చైతన్య… దసరాకి తన మేనమామ విక్టరీ వెంకటేష్ కాంబినేషన్ లో ‘వెంకీ మామ’తో సందడి చేయనున్నాడు. అంతేకాదు… డిసెంబరులో శేఖర్ కమ్ముల డైరెక్షన్ లో రూపొందనున్న సినిమాతో పలకరించబోతున్నాడు.

మరి… ముచ్చటగా మూడోసారి ఒకే క్యాలెండర్ ఇయర్ లో మూడేసి సినిమాలతో రాబోతున్న చైతుకి… ఈసారైనా హ్యాట్రిక్ విజయాలు దక్కుతాయేమో చూద్దాం.