`రాజకుమారుడు` టు `మహర్షి`… ఇదీ కథానాయకుడిగా సూపర్ స్టార్ మహేష్ బాబు పాతిక సినిమాల ప్రయాణం. ఈ జర్నీలో మహేష్కు సహ నటుడిగా కొనసాగిన ఆర్టిస్ట్ ఎవరంటే… ఠక్కున వినిపించే సమాధానం… విలక్షణ నటుడు ప్రకాష్ రాజ్. మేనమామ, తండ్రి, ప్రతినాయకుడు, ఉన్నతాధికారి… ఇలా ప్రిన్స్ పక్కన పలు విభిన్న పాత్రల్లో సందడి చేశాడు ప్రకాష్. ఈ నేపథ్యంలోనే… మహేష్ తదుపరి చిత్రం `సరిలేరు నీకెవ్వరు`లోనూ ఓ కీలక భూమిక పోషించే అవకాశం దక్కిందట ప్రకాష్కి. వినిపిస్తున్న కథనాల ప్రకారం… అనిల్ రావిపూడి దర్శకత్వంలో రూపొందుతున్న మహేష్ 26 `సరిలేరు నీకెవ్వరు` నుంచి సీనియర్ యాక్టర్ జగపతి బాబు బయటికి వచ్చేశాడని తెలిసింది. ఇప్పుడా పాత్రలో నటించడానికి గ్రీన్ సిగ్నల్ ఇచ్చాడట ప్రకాష్. త్వరలోనే ప్రకాష్ ఎంట్రీపై అధికారిక ప్రకటన వచ్చే అవకాశముందంటున్నారు. అనిల్ సుంకర, `దిల్` రాజు, మహేష్ బాబు సంయుక్తంగా నిర్మిస్తున్న `సరిలేరు నీకెవ్వరు`… 2020 సంక్రాంతికి థియేటర్లలో సందడి చేయనుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
[subscribe]
[youtube_video videoid=fZIK8EGQKdw]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: