`అఆ`, `ప్రేమమ్`, `శతమానంభవతి` చిత్రాలతో తెలుగునాట హ్యాట్రిక్ హీరోయిన్ అనిపించుకుంది అనుపమ పరమేశ్వరన్. అయితే, ఆ తరువాత మాత్రం ఆ స్థాయి విజయాలను అందుకోలేకపోయింది. ఈ నేపథ్యంలో… తన తదుపరి చిత్రం `రాక్షసుడు`పైనే ఆశలు పెట్టుకుంది ఈ కేరళకుట్టి. తమిళ బ్లాక్బస్టర్ `రాక్షసన్`కి రీమేక్గా తెరకెక్కిన ఈ సినిమాలో టీచర్ పాత్రలో కనిపించనుంది అనుపమ.
కాగా… ఈ సినిమా విడుదలయ్యేలోపే మరో ఆసక్తికరమైన పాత్రలో నటించేందుకు గ్రీన్ సిగ్నల్ ఇచ్చింది ఈ టాలెంటెడ్ బ్యూటీ. ఈ సారి… భరతనాట్యం కళాకారిణిగా అనుపమ కనిపిస్తుందట. అయితే, అది తెలుగు చిత్రం కోసం కాదు… ఓ తమిళ సినిమా కోసం.
ఆ వివరాల్లోకి వెళితే… `వాల్మీకి` ఫేమ్ అధర్వ మురళి హీరోగా కన్నన్ దర్శకత్వంలో ఓ ఫ్యామిలీ ఎంటర్టైనర్ తెరకెక్కనుంది. జూలై 15 నుంచి రెగ్యులర్ షూటింగ్ జరుపుకోనున్న ఈ సినిమాలోనే అనుపమ క్లాసికల్ డాన్సర్గా కనిపిస్తుందట. `కొడి` (2016) తరువాత అనుపమ నటించనున్న కోలీవుడ్ మూవీ ఇదే కావడం విశేషం. మరి… క్లాసికల్ డాన్సర్గా అనుపమ ఏ మేరకు అలరిస్తుందో చూడాలి.
[subscribe]
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
Subscribe to our Youtube Channel Telugu Filmnagarfor the latest Tollywood updates.
Download the My Mango Appfor more amazing videos from the Tollywood industry.