యాక్షన్ ఓరియెంటెడ్ మూవీస్కి పెట్టింది పేరు నందమూరి బాలకృష్ణ. ఈ నేపథ్యంలో బాలయ్య కథానాయకుడిగా నటించిన పలు చిత్రాలు బాక్సాఫీస్ వద్ద సందడి చేసాయి. వాటిలో ‘అశోక చక్రవర్తి’ ఒకటి. మలయాళ చిత్రం ‘ఆర్యన్’కు రీమేక్గా రూపొందిన ఈ సినిమాకి ఎస్.ఎస్.రవిచంద్ర దర్శకత్వం వహించారు. బాలకృష్ణ, భానుప్రియ జంటగా నటించిన ఈ చిత్రంలో అంజలీదేవి, జె.వి.సోమయాజులు, కైకాల సత్యనారాయణ, గొల్లపూడి మారుతీరావు, ‘శుభలేఖ’ సుధాకర్, రంగనాథ్, శరత్ సక్సేనా, సుపర్ణా ఆనంద్ తదితరులు ఇతర ముఖ్య భూమికలు పోషించారు. శ్రీ వెంకటేశ్వర ఆర్ట్ ప్రొడక్షన్స్ పతాకంపై శ్రీమతి కాజా వెంకటరావమ్మ ఈ సినిమాని నిర్మించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
వేటూరి సుందరరామూర్తి కలం నుంచి జాలువారిన గీతాలకు “మ్యాస్ట్రో” ఇళయరాజా స్వరకల్పన చేసారు. మ్యూజికల్ బ్లాక్ బస్టర్గా నిలచిన ఈ చిత్రంలోని పాటలన్నీ విశేషాదరణ పొందాయి. వాటిలో “ఎందరో మహానుభావులు”, “ఝనకు ఝనకు ఝాం”, “సువ్వి సువ్వి”, `అబ్బ రూపమెంత` గీతాలు ఇప్పటికీ వినిపిస్తూనే ఉంటాయి. ముఖ్యంగా ఈ పాటల్లో బాలయ్య వేసిన స్టెప్స్ అభిమానులు ఎప్పటికీ మరిచిపోలేరు. 1989 జూన్ 29న విడుదలైన ‘అశోక చక్రవర్తి’… నేటితో 30 వసంతాలను పూర్తి చేసుకుంటోంది.
[youtube_video videoid=Beb6rhfh8Ew]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: