ఆది కొత్త సినిమా టైటిల్, ఫస్ట్ లుక్ రిలీజ్

కార్తీక్ విఘ్నేశ్ ద‌ర్శ‌కత్వంలో ఆది హీరోగా కొత్త సినిమా రూపొందుతున్న సంగతి విదితమే. తెలుగు, త‌మిళ్ బై లింగ్వల్ చిత్రంగా ఈ సినిమాను తెరకెక్కిస్తున్నారు. ప్రస్తుతం ఈసినిమా శరవేగంగా షూటింగ్ జరుపుకుంటుంది. ఇక తాజాగా ఈసినిమా టైటిల్ ను ఫస్ట్ లుక్ ను రిలీజ్ చేశారు చిత్రయూనిట్. ‘జంగిల్’ అనే టైటిల్ ను ఫిక్స్ చేశారు సినిమాకు. ఇక ఫస్ట్ లుక్ కూడా చాలా ఇంప్రెసివ్ గా ఉంది. మరి సినిమా ఎలా ఉంటుందో చూడాలి. 

ఈసినిమాలో వేదిక హీరోయిన్ గా నటిస్తోంది. ఇది తెలుగులో వేదిక న‌టిస్తున్న నాలుగో సినిమా. ఔర సినిమాస్ బ్యానర్ పై ఈసినిమాను నిర్మిస్తున్నారు. రోబో’, ‘2.0’ చిత్రాల‌కు అసోసియేట్ కెమెరామెన్‌గా ప‌నిచేసిన గౌత‌మ్ జార్జ్‌ ఈ చిత్రానికి సినిమాటోగ్రఫీ అందిస్తున్నారు. సి.స‌త్య సంగీతాన్ని సమకూరుస్తున్నారు. ఈ సినిమాతో పాటు అడివి సాయికిరణ్ డైరెక్షన్ లో ఆది సాయికుమార్ హీరోగా ‘ఆపరేషన్ గోల్డ్‌ఫిష్’ అనే యాక్షన్ డ్రామా తెరకెక్కుతున్న సంగతి తెలిసిందే. ఈ సినిమా విడుదలకు సిద్దమవుతోంది. మరి 2012లో వచ్చిన ‘లవ్‌లీ’ సినిమానే ఆదికి ఆఖరి హిట్. ఆ తరవాత వరసగా 8 సినిమాలు బాక్సాఫీసు వద్ద బోల్తాకొట్టాయి. దీంతో ఈసారి ఎలాగైనా కమర్షియల్‌ హిట్టు కొట్టాలని చూస్తున్నాడు. మరి ఈ సినిమాలు ఆదికి ఎంత వరకూ కలిసొస్తాయో చూద్దాం.

[subscribe]

[youtube_video videoid=6zA5kvgjr4U]