ఈ ఏడాదిలోనూ టాలీవుడ్‌ జూలై సెంటిమెంట్ కంటిన్యూ అవుతుందా?

గత ఐదేళ్లుగా టాలీవుడ్‌కు జూలై నెల బాగా కలిసొస్తోంది. ముఖ్యంగా… 2014 నుంచి ఈ నెలలో విడుదలైన తెలుగు సినిమాలు అనూహ్య‌ విజయాలను సాధిస్తూ… బాక్సాఫీస్ వద్ద కాసుల వర్షం కురిపిస్తున్నాయి. గ‌డ‌చిన ఐదేళ్ళ‌లో టాలీవుడ్ జూలై ట్రాక్ రికార్డ్‌ను ఒక‌సారి పరిశీలిస్తే ఈ విష‌యం స్ప‌ష్ట‌మ‌వుతుంది. 2014లో విక్టరీ వెంకటేష్, మీనా జంటగా నటించిన ‘దృశ్యం’తో మొద‌లైన ఈ `జూలై` విజ‌యప‌రంప‌ర… 2015లో దర్శకధీరుడు రాజమౌళి తెరకెక్కించిన ‘బాహుబలి: ది బెగినింగ్’తో మ‌రో స్థాయికి వెళ్ళింది. అనంత‌రం 2016లో వచ్చిన ‘పెళ్లి చూపులు’, 2017లో విడుదలైన ‘ఫిదా’, 2018లో వచ్చిన ‘ఆర్ ఎక్స్ 100’ ఘ‌న‌విజ‌యాలు సాధించ‌డంతో టాలీవుడ్‌లో జూలై సెంటిమెంట్ బ‌ల‌ప‌డింది. ఈ నేప‌థ్యంలో… ఈ ఏడాది జూలై నెల‌లో విడుద‌ల‌య్యే సినిమాల‌పై ప్ర‌త్యేక ఆస‌క్తి నెల‌కొంది. అందుకు త‌గ్గ‌ట్టుగానే ఈ సంవ‌త్సరం కూడా జూలై నెల‌లో ‘ఓ బేబీ’, ‘రాజ్‌దూత్’(జూలై 5 విడుద‌ల‌), ‘దొరసాని’, ‘నిను వీడని నీడను నేనే’(జూలై 12), ‘రాక్షసుడు’, ‘ఇస్మార్ట్ శంకర్’(జూలై 18), ‘డియర్ కామ్రేడ్’(జూలై 26) వంటి క్రేజీ మూవీస్ విడుద‌లకు సిద్ధ‌మ‌వుతున్నాయి. మ‌రి… వీటిలో జూలై సెంటిమెంట్‌ని కొన‌సాగించే చిత్రం ఏది అవుతుందో తెలియాలంటే మ‌రికొన్నాళ్ళు ఆగాల్సిందే.

[subscribe]

[youtube_video videoid=750rHEFMc9M]