`జెంటిల్‌మ‌న్‌` (2016)తో టాలీవుడ్‌కి కథానాయికగా ప‌రిచ‌య‌మైంది నివేదా థామ‌స్‌. ఆ చిత్రంతో మంచి విజయాన్ని న‌మోదు చేసుకోవ‌డ‌మే కాకుండా న‌టిగానూ మంచి గుర్తింపు తెచ్చుకుంది. ఆ త‌రువాత ‘నిన్ను కోరి’, ‘జై లవకుశ’ చిత్రాల‌తోనూ అలరించింది నివేదా. ఇక ఇటీవల విడుదలైన ‘118’తో మరో విజయాన్ని అందుకున్న ఈ భామ… ఆ సినిమాలో తన పాత్రకు తానే డబ్బింగ్ చెప్పుకుని ప్రేక్షకులను అలరించింది. ఇదిలా ఉంటే… నివేదా కథానాయికగా నటించిన తాజా చిత్రం ‘బ్రోచేవారెవరురా’ విడుదలకు సిద్ధమైంది. వివేక్ ఆత్రేయ దర్శకత్వంలో రూపొందిన ఈ సినిమాలో క్లాసికల్ డాన్సర్‌గా ఎదగాలనుకునే పాత్రలో నటించింది నివేదా. అంతేకాదు, ఈ చిత్రం కోసం తన పాత్రకు తనే డబ్బింగ్ చెప్పుకోవడం విశేషం. తన మొద‌టి తెలుగు సినిమా ‘జెంటిల్‌మ‌న్‌’లోనే తన గొంతు వినిపించాలని ముచ్చట పడిన నివేదాకు… ఈ ఏడాది బ్యాక్ టు బ్యాక్ మూవీస్‌తో ఆ ముచ్చట తీరినట్ల‌య్యింది. నివేదా డబ్బింగ్ చెప్పిన ‘118’ మంచి విజయాన్నే అందుకున్న నేపథ్యంలో… ‘బ్రోచేవారెవరురా’ కూడా ఆ బాటే ప‌డుతుందేమో చూడాలి. కాగా… ‘బ్రోచేవారెవరురా’ ఈ నెల 28న ప్రేక్షకుల ముందుకు రానుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
[subscribe]
[youtube_video videoid=lrDxY7WHkDs]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
తో టాలీవుడ్‌కి కథానాయికగా ప‌రిచ‌య‌మైంది నివేదా థామ‌స్‌. ఆ చిత్రంతో మంచి విజయాన్ని న‌మోదు చేసుకోవ‌డ‌మే కాకుండా){kind=link}