కొర‌టాల సినిమా కోసం బ‌రువు త‌గ్గ‌నున్న‌ చిరు?

తొలి తెలుగు స్వాతంత్ర్య స‌మ‌ర‌ యోధుడు ఉయ్యాలవాడ నరసింహారెడ్డి జీవితం ఆధారంగా రూపొందుతున్న చిత్రం ‘సైరా నరసింహారెడ్డి’. మెగాస్టార్ చిరంజీవి క‌థానాయ‌కుడిగా న‌టిస్తున్న ఈ చిత్రానికి సురేంద‌ర్ రెడ్డి ద‌ర్శ‌క‌త్వం వ‌హిస్తున్నాడు. దాదాపు చిత్రీకరణ పూర్తి చేసుకుని, పోస్ట్ ప్రొడక్షన్ పనులను జరుపుకుంటోందీ సినిమా. ప్రస్తుతం తన పాత్రకు డబ్బింగ్ చెప్పుకోవడంలో బిజీగా ఉన్నారు మెగాస్టార్. ఇదిలా ఉంటే… ‘సైరా’ తరువాత విజనరీ డైరెక్టర్ కొరటాల శివతో ఓ సినిమా చేయబోతున్నారు చిరు. అయితే… ‘సైరా’లోని పాత్ర కోసం బాగా బరువు పెరిగిన చిరు… ఇప్పుడు కొరటాల శివతో చేయబోయే మూవీ కోసం సన్నగా, స్మార్ట్ అండ్ స్టైలిష్ లుక్‌లోకి మారనున్నార‌ని టాక్.

ఆ వివరాల్లోకి వెళితే… ఆల్రెడీ చిరు కోసం ఓ మెసేజ్‌ ఓరియెంటెడ్ సబ్జెక్ట్‌ను రెడీ చేసాడట కొరటాల. ఇందులో చిరు రెండు భిన్నమైన పాత్రల్లో కనిపించనున్నార‌ట. అందులోని ఒక పాత్ర… ప్రస్తుతం చిరు వయసుకన్న తక్కువ వయసుండే యంగ్ క్యారెక్ట‌ర్‌ కావడంతో ఆ పాత్ర డిమాండ్ మేరకు సన్నగా, స్మార్ట్‌గా, పూర్తి ఫిట్ నెస్‌తో కనిపించడానికి సిద్ధపడ్డార‌ట చిరు. ఇందుకోసం చిరు తనయుడు, నిర్మాతల్లో ఒక‌రైన‌ రామ్ చరణ్ ఓ స్పెషల్ ట్రైనర్‌ను కూడా అప్పాయింట్ చేసాడని సమాచారం. మరి ఈ చిత్రంలో చిరు లుక్ ఎలా ఉండబోతోందో తెలియాలంటే మరి కొద్ది రోజులు ఆగాల్సిందే.

ఆగస్టు నుంచి పట్టాలెక్కనున్న చిరు – కొర‌టాల‌ చిత్రాన్ని వచ్చే ఏడాది వేసవి కానుకగా విడుదల చేయడానికి సన్నాహాలు చేస్తున్నారు.