‘అశ్వమేథం’ టీజర్ రిలీజ్ డేట్ ఖరారు

నితిన్ ద‌ర్శ‌కత్వంలో ధృవ కుమార్ ప్రధాన పాత్రలో తెరకెక్కిస్తున్న సినిమా అశ్వమేథం. ప్రస్తుతం ఈ సినిమా శరవేగంగా షూటింగ్ ను జరుపుకుంటుంది. ఇప్పటికే ఈసినిమా నుండి ఫస్ట్ లుక్ ను, ఓ పాటను రిలీజ్ చేయగా.. ఇప్పుడు ఈసినిమా టీజర్ లాంచ్ కు డేట్ ను ఫిక్స్ చేశారు. జూన్ 21వ తేదీన మధ్యాహ్నం 12 గంటలకు ఈ సినిమా టీజర్ ను రిలీజ్ చేయనున్నారు.

ఇంటెన్స్‌ స్పై థ్రిల్లర్‌ గా తెరకెక్కుతున్న ఈసినిమాలో ఇంకా శివాంగి, సుమ‌న్, ప్రియ‌ద‌ర్శి, వెన్నెల కిషోర్, సాన్యా ప్ర‌ధాన పాత్ర‌ల‌లో న‌టిస్తున్నారు. ఔరోస్‌ అవతార్‌ ఎంటర్‌టైన్‌మెంట్‌ పతాకంపై ఐశ్వ‌ర్య యాద‌వ్, ప్రియా నాయ‌ర్ కలిసి ఈ సినిమాను నిర్మిస్తున్నారు. చ‌ర‌ణ్ అర్జున్ ఈ సినమాకు సంగీతాన్ని అందిస్తుండగా.. జయపాల్‌ రెడ్డి సినిమాటోగ్రాఫర్‌గా పనిచేస్తున్నారు. త్వరలోనే సినిమాను రిలీజ్ చేయనున్నారు.