వాణిజ్యపరమైన అంశాలతో సినిమాలను తెరకెక్కిస్తూనే… వాటిలో అంతర్లీనంగా సామాజిక అంశాలనూ టచ్ చేయడం దర్శకుడు కొరటాల శివ స్టైల్. ఇప్పుడు మెగాస్టార్ చిరంజీవితో చేయబోయే తన తదుపరి చిత్రం కోసం కూడా అటువంటి కథనే సిద్ధం చేసాడట ఈ సక్సెస్ఫుల్ డైరెక్టర్.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఆ వివరాల్లోకి వెళితే… చిరు, కొరటాల కలయికలో ఓ భారీ బడ్జెట్ మూవీ తెరకెక్కనున్న విషయం తెలిసిందే. ఇందులో చిరు డ్యూయల్ రోల్లో దర్శనమివ్వనున్నాడని టాక్. వాటిలో ఒకటి రైతు పాత్ర కాగా… మరొకటి ఎన్నారై పాత్ర అని సమాచారం. అంతేకాదు… ఈ సినిమాలో ఓ వైపు కమర్షియల్ ఎలిమెంట్స్తో ఆడియన్స్ను అలరిస్తూనే… మరోవైపు అంతర్లీనంగా సామాజిక అంశాన్ని టచ్ చేయనున్నాడట కొరటాల. అలాగే కథానుసారం రైతుల సమస్యలను ఈ సినిమాలో కళ్ళకు కట్టినట్టు చూపించబోతున్నాడట. ఈ నేపథ్యంలో… వారికి సంబంధించిన చాలా సమస్యలను లోతుగా చర్చించడం కూడా జరుగుతుందట. ఇవన్నీ కూడా జనరంజకంగా ఉంటాయని తెలుస్తోంది. కరెక్ట్గా చెప్పాలంటే… ఈ చిత్రంలో చిరు పోషిస్తున్న రైతు పాత్రే హైలైట్గా ఉంటుందని టాక్.
కాగా.. ఆగస్టు 22న ప్రారంభం కానున్న ఈ సినిమా సెప్టెంబర్ నుంచి రెగ్యులర్ షూటింగ్ జరుపుకోనుంది. 2020 ఉగాదికి ఈ క్రేజీ ప్రాజెక్ట్ తెరపైకి రానుందని సమాచారం. కొణిదెల ప్రొడక్షన్స్, మ్యాట్నీ ఎంటర్టైన్మెంట్స్ సంస్థలు ఈ చిత్రాన్ని సంయుక్తంగా నిర్మించనున్నాయి.
[subscribe]
[youtube_video videoid=Q0WrJ6epCl4]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: