మహేష్ సినిమాలో రీ ఎంట్రీ పై రాములమ్మ

లేడి సూపర్ స్టార్ గా టాలీవుడ్ లో ఓ వెలుగు వెలిగిన నటి విజయశాంతి. 1980 లో కిలాడి క్రిృష్ణుడు సినిమాతో.. సూపర్ స్టార్ హీరో కృష్ణ కు జోడిగా హీరోయిన్ గా తెలుగు తెరకు పరిచయమైన విజయశాంతి ఆ సినిమా విజయంతో ఆ తరువాత వెనుకకు తిరిగి చూసుకోవాల్సిన అవసరం రాలేదు. కృష్ణ, శోభన్ బాబు లాంటి హీరోల పక్కన చేస్తూనే.. చిరంజీవి, బాలకృష్ణ లాంటి హీరోల పక్కన కూడా పలు హిట్ సినిమాలు తీసి దాదాపు రెండు దశాబ్దాల పాటు సినీ ఇండస్ట్రీని ఏలింది. అంతేకాదు ప్రతిఘటన, కర్తవ్యం, ఓసేయ్ రాములమ్మ అనే లేడి ఒరియెంటెడ్ సినిమాలతో అందరి హీరోయిన్ల కంటే తాను భిన్నమని నిరూపించుకుంది. అందుకే లేడి సూపర్ స్టార్ అనే బిరుదు వరించింది.

చివరిగా 2006 లో వచ్చిన నాయుడమ్మ మూవీలో కనిపించిన విజయశాంతి రాజకీయాల్లో బిజీ అయ్యారు. మళ్లీ ఇన్ని సంవత్సరాలకు రాములమ్మ రీ ఎంట్రీ ఇవ్వనుంది. అనిల్ రావిపూడి దర్శకత్వంలో మహేష్ బాబు హీరోగా, రష్మిక మందన హీరోయిన్ గా సరిలేరు నీకెవ్వరు అనే టైటిల్ తో కొత్త సినిమా తెరకెక్కుతున్న సంగతి తెలిసిందే. ఈరోజే ఈసినిమాను లాంచనంగా ప్రారంభించారు. ఇక ఈ సినిమాలో విజయశాంతి కూడా నటిస్తున్న సంగతి విదితమే. ఈ నేపథ్యంలోనే విజయశాంతి తన ట్విట్టర్ ద్వారా భావోద్వేగంతో ఓ ట్వీట్ చేశారు.

ఆశ్చర్యకరమైన విషయం ఏంటంటే… సూపర్ స్టార్ కృష్ణ సినిమాతో హీరోయిన్ గా టాలీవుడ్ లో అరంగేట్రం చేసిన విజయశాంతి… ఇప్పుడు యంగ్ సూపర్ స్టార్ మహేష్ బాబు తో రీ ఎంట్రీ ఇవ్వనుంది. మరి ఈ సినిమా విజయశాంతి రీఎంట్రీకి కలిసొస్తుందో? లేదో? చూద్దాం..

[subscribe]

[youtube_video videoid=zbUaqedhYMQ]