వైవిధ్యభరితమైన చిత్రాలకు చిరునామాగా నిలుస్తున్న యువ కథానాయకుడు విజయ్ దేవరకొండ. అనతికాలంలోనే స్టార్డమ్ పొందిన విజయ్… ఏ ఏడాదికేడాది తన స్థాయిని పెంచుకుంటూ తారాపథంలో దూసుకుపోతున్నాడు. గత సంవత్సరం ‘మహానటి’, ‘గీతగోవిందం’, ‘టాక్సీవాలా’ వంటి విజయవంతమైన సినిమాలతో పలకరించిన విజయ్… ఇప్పడు ‘డియర్ కామ్రేడ్’తో ప్రేక్షకుల ముందుకు రానున్నాడు. నూతన దర్శకుడు భరత్ కమ్మ దర్శకత్వంలో తెరకెక్కిన ఈ సినిమా జూలై 26న ప్రపంచవ్యాప్తంగా విడుదల కానుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
కట్ చేస్తే… ఇదే రోజున అంటే జూలై 26న బాలీవుడ్ క్వీన్ కంగనా రనౌత్ నటించిన బ్లాక్ కామెడీ మూవీ ‘మెంటల్ హై క్యా?’ కూడా రిలీజ్ కానుంది. దర్శకేంద్రుడు కె.రాఘవేంద్రరావు తనయుడు ప్రకాష్ కోవెలమూడి ఈ చిత్రంతో బాలీవుడ్లో దర్శకుడిగా తొలి అడుగులు వేస్తున్నాడు.
ఇదిలా ఉంటే… ఒకే రోజున రానున్న ఈ రెండు సినిమాలకు సంబంధించి ఓ ఆసక్తికరమైన అంశముంది. అదేమిటంటే… ఇటు విజయ్, అటు కంగనా ఇద్దరు కూడా తమకు కలిసొచ్చిన జంటలతోనే ఆ రోజు సందడి చేయబోతున్నారు. డియర్ కామ్రేడ్
విషయానికి వస్తే… ‘గీతగోవిందం’ వంటి కెరీర్ బెస్ట్ హిట్ తర్వాత రష్మిక మందన్న కాంబినేషన్లో విజయ్ నటించిన సినిమా ఇది. దీంతో… ఈ సినిమాపై భారీ అంచనాలే నెలకొన్నాయి. ఇక మెంటల్ హై క్యా?
విషయానికి వస్తే… తన కెరీర్ బిగ్గెస్ట్ హిట్ ‘క్వీన్’ తర్వాత రాజ్ కుమార్ రావ్తో కంగనా నటించిన మూవీ ఇది. దీంతో… సహజంగానే ఈ సినిమా ఆసక్తి రేకెత్తిస్తోంది.
సో… విజయ్, కంగనా ఇద్దరూ కూడా తమ తమ కెరీర్ బెస్ట్ మూవీస్గా నిలిచిన చిత్రాల్లో పెయిర్స్గా నటించిన వారితోనే… ఈ అప్ కమింగ్ మూవీస్లోనూ దర్శనమివ్వడం విశేషమనే చెప్పాలి.మరి… తమకు కలిసొచ్చిన జంటలతో ఒకే రోజున వస్తున్న విజయ్, కంగనా ఎలాంటి ఫలితాలను అందుకుంటారో చూడాలి.
[subscribe]
[youtube_video videoid=VagrwsPi3as]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: