చెన్నైలో మహర్షి సరికొత్త రికార్డ్

వినోదం.. సందేశాత్మక నేపథ్యంలో తెరకెక్కిన సూపర్ స్టార్ మహేష్ బాబు మహర్షి సినిమా మంచి హిట్ టాక్ తో దూసుకుపోతున్న సంగతి తెలిసిందే. ఇప్పటికే 100 కోట్ల గ్రాస్ కలెక్షన్స్ రాబట్టిన ఈ సినిమా.. మహేష్ కెరీర్ లోనే అత్యంత గ్రాస్ కలెక్షన్స్ అందించిన చిత్రంగా నిలిచింది. అయితే ఇక్కడ తెలుగు రాష్ట్రాల్లో కలెక్షన్స్ తో దూసుకుపోతున్న ఈ సినిమా పక్క రాష్ట్రమైన తమిళనాడులో కూడా ఓ సరికొత్త రికార్డ్ క్రియేట్ చేసింది.

చెన్నైలో ఎన్నడూ లేని విధంగా ఈ సినిమాకు మంచి క్రేజ్ దక్కింది. 18 రోజుల్లో చెన్నైలో మహర్షి కోటికి పైగా కలెక్షన్స్ ను రాబట్టి బయ్యర్స్ కి మంచి లాభాలను అందించింది. ఇది కూడా మహేష్ కెరీర్ లో ఓ రికార్డే.

కాగా ఈ సినిమాలో అల్లరి నరేష్ కీలక పాత్రలో నటించిన సంగతి తెలిసిందే. అల్లరి నరేష్ పాత్ర సినిమాకే హైలెట్ గా నిలిచిందన్న అభిప్రాయాలు కూడా వెలువడ్డాయి. వంశీ పైడిపల్లి దర్శకత్వం వహించిన ఈ సినిమాను దిల్ రాజు – సి.అశ్విని దత్ – పివిపి సంయుక్తంగా నిర్మించారు.

మహర్షి తరువాత మహేష్ బాబు అనిల్ రావిపూడి దర్శకత్వంలో ఒక సినిమా చేయనున్న సంగతి తెలిసిందే. వచ్చే నెల ఆ సినిమా షూటింగ్ మొదలుకానుంది. ఈసారి పూర్తి ఎంటర్ టైన్మెంట్ జోనర్ లో సినిమా చేయదలచి అనిల్ రావిపూడికి గ్రీన్ సిగ్నల్ ఇచ్చాడు మహేష్. మరి చూద్దాం ఎఫ్ 2 తో సక్సెస్ కొట్టిన అనిల్ రావిపూడి మహేష్ ను ఎలా చూపిస్తాడో..

[subscribe]
[youtube_video videoid=B9_AnB9WRZw ]