ఆగ‌స్టు నుంచి వ‌రుణ్‌తేజ్ స్పోర్ట్స్ డ్రామా?

ఈ ఏడాది సంక్రాంతికి విడుద‌లైన ‘ఎఫ్-2’తో కెరీర్ బెస్ట్ హిట్ అందుకున్నాడు మెగా ప్రిన్స్ వ‌రుణ్ తేజ్‌. ప్ర‌స్తుతం హ‌రీష్ శంక‌ర్ ద‌ర్శ‌క‌త్వంలో రూపొందుతున్న వాల్మీకితో బిజీగా ఉన్నాడీ యంగ్ అండ్ టాలెంటెడ్ హీరో. అంతేకాదు… ఈ సినిమా విడుద‌ల‌య్యే లోపు మ‌రో చిత్రాన్ని కూడా ప‌ట్టాలెక్కించ‌నున్నాడు. స్పోర్ట్స్ డ్రామాగా తెర‌కెక్కుతున్న ఈ సినిమాలో బాక్స‌ర్‌గా క‌నిపించ‌నున్నాడు వ‌రుణ్‌.

అంతేకాదు… డెబ్యూ డైరెక్టర్ కిరణ్ కొర్రపాటి రూపొందిస్తున్న ఈ సినిమా కోసం కాలిఫోర్నియాలో విదేశీ మాజీ బాక్సర్ టోనీ డేవిడ్ జేఫ్రీస్ దగ్గర ప్రత్యేక శిక్షణ కూడా తీసుకున్నాడు ఈ మ్యాచో స్టార్‌. కాగా… ఆగస్టు నుంచి సెట్స్ పైకి వెళ్లనున్న ఈ చిత్రం… హైదరాబాద్, వైజాగ్, ఢిల్లీలో మేజర్ షెడ్యూల్స్ జరుపుకోనుందని సమాచారం. త్వరలోనే ఈ సినిమాకి సంబంధించి మ‌రిన్ని వివ‌రాలు వెల్ల‌డి కానున్నాయి. మ‌రి… త‌మ్ముడులో బాబాయ్ ప‌వ‌ర్ స్టార్ ప‌వ‌న్ క‌ళ్యాణ్ త‌ర‌హాలో అబ్బాయ్ వ‌రుణ్ కూడా బాక్స‌ర్‌గా మెప్పిస్తాడేమో చూడాలి.

[subscribe]
[youtube_video videoid=i_xZWccgMNM]