ఇంద్రగంటి దర్శకత్వంలో యాక్షన్ థ్రిల్లర్ “V”

గ్రహణం మూవీ తో టాలీవుడ్ కు దర్శకుడిగా పరిచయమైన మోహన్ కృష్ణ ఇంద్రగంటి మొదటి సినిమాకే బెస్ట్ డైరెక్టర్ గా నేషనల్ అవార్డ్ అందుకున్నారు. అష్టా చమ్మా, గోల్కొండ హైస్కూల్, అంతకు ముందు ఆ తరువాత,జెంటిల్ మాన్, అమీ తుమీ, సమ్మోహనం వంటి సక్సెస్ ఫుల్ ,ఫీల్ గుడ్ మూవీస్ దర్శకుడు ఇంద్రగంటి ఇప్పుడు V టైటిల్ తో ఒక యాక్షన్ థ్రిల్లర్ మూవీ రూపొందిస్తున్నారు. శ్రీ వెంకటేశ్వర క్రియేషన్స్ బ్యానర్ పై నాని, సుధీర్ బాబు ప్రధాన పాత్రలలో V మూవీ రూపొందుతుంది.అదితి రావు హైదరి, నివేత థామస్ కథానాయికలు కాగా అమిత్ త్రివేది సంగీతం అందిస్తున్నారు.

రీసెంట్ గా ప్రారంభమయిన V మూవీ సందర్భంగా మూవీ విషయాలు ఆయన మాటల్లోనే .. హీరోలు నాని, సుధీర్ బాబు విభిన్న పాత్రలలో నటిస్తున్నారని, V మూవీ స్క్రిప్ట్ నేరం మరియు రహస్య సంఘటనల ఇతివృత్తం తో పాటు ఎమోషనల్ ఎలిమెంట్స్ తో కూడుకుని ఉంటుందని, ఇప్పటివరకు తాను ఇటువంటి స్క్రీన్ ప్లే ను రూపొందించలేదని, ఎమోషనల్ బిట్స్ రాయడం తనకు ఛాలెంజింగ్ గా మారిందన్నారు. ఈ మూవీ లో నాని నెగెటివ్ రోల్ లో నటిస్తున్నారని, ఈ రోల్ ని నాని ఒక స్పెషల్ రోల్ గా పరిగణలోకి తీసుకున్నారని ఇంద్రగంటి తెలిపారు. ఇంద్రగంటి, నాని కాంబినేషన్ లో రూపొందిన అష్టా చమ్మా, జెంటిల్ మాన్ మూవీస్ ఘనవిజయం సాధించాయి.

[subscribe]
[youtube_video videoid=36R_E-OYNIc]