ముంబై షెడ్యూల్ పూర్తిచేసుకున్న `సాహో`

యంగ్ రెబల్ స్టార్ ప్రభాస్ క‌థానాయ‌కుడిగా రూపొందుతున్న యాక్ష‌న్ ఎంట‌ర్‌టైన‌ర్ ‘సాహో’. బాలీవుడ్ బ్యూటీ శ్రద్ధా కపూర్ కథానాయికగా నటిస్తున్న ఈ చిత్రాన్ని యంగ్ డైరెక్ట‌ర్ సుజిత్ తెర‌కెక్కిస్తున్నాడు. యూవీ క్రియేషన్స్ సంస్థ ఎంతో ప్రతిష్ఠాత్మకంగా నిర్మిస్తున్న ఈ భారీ బడ్జెట్ ట్రైలింగ్వ‌ల్ మూవీకి సంబంధించి… చిత్రీక‌ర‌ణ తుది ద‌శ‌కు చేరుకుంది.

కాగా… ఈ సినిమాలో ప్రభాస్ పాత్ర చాలా ఆసక్తికరంగా ఉండ‌డంతో పాటు త‌న పాత్ర‌కు సంబంధించిన యాక్షన్ సీన్స్, విజువల్స్ అన్నీ హాలీవుడ్ రేంజ్‌లో ఉంటాయని సమాచారం. ఇక షూటింగ్ విషయానికొస్తే… ఇటీవల ముంబైలో ఓ కీలక షెడ్యూల్‌ను పూర్తిచేసింది యూనిట్‌. మ‌రోవైపు నిర్మాణానంతర కార్య‌క్ర‌మాలు కూడా జోరుగా సాగుతున్నాయి. అంతేకాదు… ఈ నెలాఖర్లో ప్రభాస్ తన పాత్రకు డబ్బింగ్ కూడా చెప్పుకోబోతున్నట్టు తెలుస్తోంది. భారీ తారాగ‌ణంతో తెర‌కెక్కుతున్న సాహో… ఆగస్టు 15న ప్రేక్షకుల ముందుకు రానుంది.

[subscribe]

[youtube_video videoid=2UqswPJbzzA]