`ఊహలు గుసగుసలాడే` (2014)తో తెలుగు తెరకు కథానాయికగా పరిచయమైన ముద్దుగుమ్మ రాశీ ఖన్నా. మొదటి సినిమాతోనే నటిగా మంచి గుర్తింపు తెచ్చుకున్న రాశి… ఆ తరువాత మాత్రం గ్లామర్ రోల్స్కే పరిమితమైంది. అయితే… గత ఏడాది ప్రారంభంలో విడుదలైన `తొలిప్రేమ`తో నటిగా మరోసారి మెప్పించిందీ ముద్దుగుమ్మ. ఆ సినిమా తరువాత ఈ టాలెంటెడ్ బ్యూటీ… తెలుగు సినిమాలతో బిజీ అవుతుందనుకుంటే… అనూహ్యంగా తమిళ చిత్రాలతో బిజీ అయిపోయింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
కోలీవుడ్లో`ఇమైక్క నోడిగళ్`, `అడంగ మారు` చిత్రాలతో గత ఏడాది బ్యాక్ టు బ్యాక్ హిట్స్ సొంతం చేసుకున్న రాశి… అతి త్వరలో `అయోగ్య` (`టెంపర్` రీమేక్), `సైతాన్ కా బచ్చా` సినిమాలతో పలకరించబోతోంది. అంతేకాదు… విజయ్ సేతుపతి, శింబు వంటి క్రేజీ స్టార్స్ సినిమాల్లోనూ హీరోయిన్గా నటించే ఛాన్స్ ఈ ముద్దుగుమ్మ దక్కించుకుందని తమిళ సినీ వర్గాలు పేర్కొంటున్నాయి. మొత్తమ్మీద… తమిళ చిత్రసీమలో రాశి బాగానే రాణిస్తుందనే చెప్పాలి.
ఇక తెలుగు సినిమాల విషయానికి వస్తే… గత ఏడాది ద్వితీయార్ధంలో `శ్రీనివాస కళ్యాణం`తో పలకరించిన రాశి… ప్రస్తుతం యూత్ ఐకాన్ విజయ్ దేవరకొండకి జంటగా క్రాంతి మాధవ్ రూపొందిస్తున్న రొమాంటిక్ ఎంటర్టైనర్లో ఓ హీరోయిన్గా నటిస్తోంది. చూస్తుంటే… ఈ ఏడాది రాశికి బాగానే వర్కవుట్ అయ్యేలా ఉంది. ఆల్ ది బెస్ట్ టు టాలెంటెడ్ బ్యూటీ రాశి!
[youtube_video videoid=QIam1ccIb6c]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: