`ఖైదీ నంబర్ 150`తో రీ-ఎంట్రీ ఇచ్చిన మెగాస్టార్ చిరంజీవి… కమ్ బ్యాక్ ఫిల్మ్తో బ్లాక్బస్టర్ హిట్ను తన ఖాతాలో జమ చేసుకున్నారు. ప్రస్తుతం తన డ్రీమ్ ప్రాజెక్ట్ `సైరా నరసింహారెడ్డి`తో ఫుల్ బిజీగా ఉన్నారు చిరు. సురేందర్ రెడ్డి దర్శకత్వంలో రూపొందుతున్న ఈ చిత్రాన్ని చిరు తనయుడు, మెగాపవర్ స్టార్ రామ్ చరణ్ ప్రతిష్ఠాత్మకంగా నిర్మిస్తున్నారు. ఈ సినిమా విడుదలకు ముందే… మరో సినిమాని పట్టాలెక్కించే పనిలో ఉన్నారు చిరు. సక్సెస్ఫుల్ డైరెక్టర్ కొరటాల శివ రూపొందించనున్న ఈ ప్రాజెక్ట్… ప్రస్తుతం ప్రీ ప్రొడక్షన్ పనులు జరుపుకుంటోంది. ఫిబ్రవరి లేదా మార్చి నుంచి ఈ సినిమాకు సంబంధించిన చిత్రీకరణ ప్రారంభం కానుందని సమాచారం. ఇదిలా ఉంటే… `సైరా`లోని ఉయ్యాలవాడ నరసింహారెడ్డి పాత్ర కోసం కాస్త బరువు పెరిగిన చిరు… కొరటాల ప్రాజెక్ట్ కోసం బరువు తగ్గి కాస్త స్లిమ్గా కనిపించాలని నిర్ణయించుకున్నారట. ఈ నేపథ్యంలో… తను లేని ఎపిసోడ్స్ని ముందుగా చిత్రీకరించమని కొరటాలతో చెప్పారట చిరు. కొరటాల కూడా అదే ఆలోచనతో ఉన్నారని సమాచారం. ప్రస్తుతం లొకేషన్ల వేటలోనూ… నటీనటుల ఎంపిక ప్రక్రియలోనూ యూనిట్ బిజీగా ఉంది. త్వరలోనే ఈ సినిమాకి సంబంధించిన పూర్తి వివరాలు వెల్లడి కానున్నాయి.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
[youtube_video videoid=mz6uyTzjAtA]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: