`భార‌తీయ‌డు` సీక్వెల్ లో విల‌న్‌గా అక్ష‌య్ కుమార్‌?

లోక నాయ‌కుడు క‌మ‌ల్ హాస‌న్‌, ఏస్ ఫిల్మ్ మేక‌ర్ శంక‌ర్ కాంబినేష‌న్‌లో వ‌చ్చిన `భార‌తీయుడు` (1996) చిత్రం అప్ప‌ట్లో సంచ‌ల‌న విజ‌యం సాధించింది. మళ్ళీ 23 ఏళ్ళ త‌రువాత వీరిద్ద‌రి క‌ల‌యిక‌లో ఆ సినిమాకి సీక్వెల్ రూపొందుతున్న సంగ‌తి తెలిసిందే. టాలీవుడ్ చంద‌మామ కాజ‌ల్ అగ‌ర్వాల్ హీరోయిన్‌గా న‌టిస్తున్న ఈ సినిమాకి అనిరుధ్ సంగీత‌మందిస్తున్నాడు. సంక్రాంతి సంద‌ర్భంగా విడుద‌ల చేసిన ఈ సీక్వెల్ ప్రీ లుక్ కి మంచి రెస్పాన్స్ వ‌చ్చింది. రేప‌టి నుంచి ఈ సినిమాకు సంబంధించిన రెగ్యుల‌ర్ షూటింగ్ ప్రారంభం కానుంద‌ని చిత్ర యూనిట్ అధికారికంగా ప్ర‌క‌టించింది. ఇదిలా ఉంటే… ఈ సినిమాలోని ప‌వ‌ర్‌ఫుల్ విల‌న్ రోల్‌కు బాలీవుడ్ న‌టుడు అక్ష‌య్ కుమార్‌ను ఎంచుకున్నార‌ట‌. తొలుత ఈ పాత్ర‌కు మ‌రో బాలీవుడ్ హీరో అజ‌య్ దేవ్‌గ‌ణ్‌ను అనుకున్న‌ప్ప‌టికీ… కాల్షీట్ల స‌మ‌స్య కార‌ణంగా ఆ స్థానంలోకి అక్ష‌య్ వ‌చ్చాడ‌ని స‌మాచారం. ఇదివ‌ర‌కు శంక‌ర్‌, అక్ష‌య్ కాంబోలో `2.0` వ‌చ్చిన సంగ‌తి తెలిసిందే. ఇక ఇదే సినిమాలో క‌మ‌ల్‌కి మ‌న‌వ‌డి పాత్ర‌లో యువ క‌థానాయ‌కుడు సిద్ధార్థ్ న‌టించ‌నున్నాడ‌ని స‌మాచారం. త్వ‌ర‌లోనే సిద్ధార్థ్‌, అక్ష‌య్ కుమార్ ఎంట్రీపై అధికారిక ప్ర‌క‌ట‌న వ‌చ్చే అవ‌కాశ‌ముంది.