యంగ్ హీరోయిన్ పూజా హెగ్డే తన కెరీర్ లో ఫుల్ ఫామ్ లో ఉన్న సంగతి తెలిసిందే. ఇప్పటికే టాలీవుడ్ లో స్టార్ హీరోయిన్ గా తన హవా సాగిస్తూనే మరోపక్క తమిళ్, హిందీలో కూడా సినిమాలు చేసుకుంటూ వెళుతుంది. ఇక ప్రస్తుతం అయితే రాధేశ్యామ్ ప్రమోషన్స్ లో బిజీ బిజీగా ఉంది. రాాధాకృష్ణ దర్శకత్వంలో ప్రభాస్ హీరోగా వస్తున్న సినిమా రాధేశ్యామ్. ఈసినిమాలో పూజా హెగ్డే హీరోయిన్ గా నటిస్తుంది. ఇక ఎన్నో వాయిదాల అనంతరం ఈసినిమా ఎట్టకేలకు ఈనెల 11న ప్రేక్షకుల ముందుకు వస్తుంది. పాన్ ఇండియా సినిమా కాబట్టి తెలుగుతో పాటు అటు హిందీ, తమిళ్ ఇలా పలు ప్రాంతాల్లో సినిమా ప్రమోషన్స్ చేస్తున్నారు ప్రభాస్ అండ్ టీమ్. ఇక దీనిలో భాగంగానే పూజా హెగ్డే కూడా పలు ఇంటర్వ్యూల్లో పాల్గొంటూ పలు ఆసక్తికర విషయాలు పంచుకుంటుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక తాజాగా ఓ ఇంటర్వ్యూలో పాల్గొన్న పూజా రాధేశ్యామ్ తో పాటు తన అప్ కమింగ్ ప్రాజెక్స్ట్ గురించి పలు విషయాలు షేర్ చేసింది. ఈనేపథ్యంలోనే పవన్ కళ్యాణ్-హరీష్ శంకర్ కాంబినేషన్ లో వస్తున్న భవదీయుడు భగత్ సింగ్ గురించి కూడా ప్రశ్న ఎదురైంది. భవదీయుడు భగత్ సింగ్’ సినిమాలో ఆమె ఎంపిక గురించి అడుగగా.. అందుకు ఆమె నవ్వుతూ “ఆ విషయాన్ని హరీశ్ శంకర్ గారిని అడగండి” అంటూ సమాధానం ఇచ్చింది. దీంతో తను ఖండిచలేదు అంటే తనే నటించే అవకాశం ఉందన్న వార్తలు మొదలయ్యాయి.
ఇదిలా ఉండగా హరీష్ శంకర్ తో ఇప్పటికే పూజా రెండు సినిమాలు చేసింది. ‘దువ్వాడ జగన్నాథం’, ‘గద్దలకొండ గణేశ్’ సినిమాలు చేయగా రెండు సినిమాలు హిట్టయ్యాయి. అందులోనూ ఈసారి పవన్ సినిమా..పూజా నో చెప్పే ఛాన్స్ లేదు అంటున్నారు. మరి దీనిపై క్లారిటీ రావాలంటే అధికారిక ప్రకటన వచ్చేంత వరకూ ఆగాల్సిందే.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
